കർക്കടകവാവ് ഇന്ന്; പിതൃപുണ്യത്തിനായി ബലിതർപ്പണം നടത്തി ആയിരങ്ങൾ

ആലുവ മണപ്പുറത്ത് അമ്പതിലധികം ബലിത്തറകൾ ആണ് ഒരുക്കിയിരിക്കുന്നത്. ഇന്ന് ഉച്ചവരെ ആളുകൾക്ക് ക്ഷേത്രത്തിൽ ബലിതർപ്പണം നടത്താം. ബലിയിടാൻ എത്തുന്നവർക്കായി എല്ലാ സൗകര്യങ്ങളും ഒരുക്കിയിട്ടുണ്ട്. ബലിതർപ്പണ ചടങ്ങുകൾ സുഗമമാക്കുന്നതിനായി 500 പോലീസ് ഉദ്യോഗസ്ഥരെ നിയോഗിച്ചിട്ടുണ്ട്. ഇവിടെ താത്കാലികമായി പോലീസ് കൺട്രോൾ റൂമും ഒരുക്കിയിട്ടുണ്ട്. തിരക്ക് കണക്കിലെടുത്ത് വാഹന ഗതാഗത നിയന്ത്രണം ഉൾപ്പെടെ ഏർപ്പെടുത്തിയിട്ടുണ്ട്. തിരക്ക് പ്രമാണിച്ച് മണപ്പുറത്തേക്ക് പ്രത്യേത കെഎസ്ആർടിസി സർവ്വീസുകളും ഒരുക്കിയിട്ടുണ്ട്. ആയിരക്കണക്കിന് ആളുകൾ ആണ് ബലിയിടാൻ ക്ഷേത്രത്തിൽ എത്തുന്നത്.