നെടുമങ്ങാട് GHSS ല് അധ്യാപകരെ പൂട്ടിയിട്ടു.ഇന്നലെ രാവിലെ സ്കൂളില് എത്തിയ എട്ട് അധ്യാപകരെയാണ് സമരാനുകൂലികള് പൂട്ടിയിട്ടത്. സ്കൂളിലെ മെയിന് ഗേറ്റ് പൂട്ടിയിരുന്നു. പുറകുവശത്തെ വാതിലിലൂടെയാണ് അധ്യാപകര് അകത്ത് കയറിയത്.
തുടര്ന്ന് സമരാനുകൂലികള് പുറകുവശത്തെ ഗേറ്റും പൂട്ടുകയായിരുന്നു. വൈകിട്ട് നാല് മണിയോടെയാണ് അധ്യാപകര്ക്ക് പുറത്തിറങ്ങാനായത്. ഓഫീസ് തുറക്കുകയോ ഹാജര് രേഖപ്പെടുത്തുകയോ ചെയ്തിട്ടില്ല. അതേസമയം കോഴിക്കോട് സ്കൂളില് കയറി അധ്യാപകരെയും വിദ്യാര്ഥികളെയും സിഐടിയു പ്രവര്ത്തകര് പുറത്താക്കി.
കോഴിക്കോട് കോയറോഡ് ജി.എം. യുപിഎസ് സ്കൂളിലാണ് സംഭവം. ഇവിടെ രാവിലെ സ്കൂളിലെത്തിയ അധ്യാപകരേയും വിദ്യാര്ഥികളെയുമാണ് സംഘടിച്ചെത്തിയ സമരക്കാര് പുറത്താക്കിയത്. ശേഷം സ്കൂളിന്റെ രണ്ടു ഗേറ്റും പൂട്ടി കൊടികള് നാട്ടി മുദ്രാവാക്യം വിളിച്ചു സമരക്കാര് പ്രതിഷേധം ആരംഭിച്ചു.
തുടര്ന്ന് സ്കൂളില് കയറാനാവാതെ അധ്യാപകര് റോഡില് നിലയുറപ്പിച്ചു. ഡയസ്നോണ് പ്രഖ്യാപിച്ചതിനാല് ശമ്പളം മുടങ്ങുമെന്ന് കരുതിയാണ് ജോലിക്കെത്തിയതെന്നാണ് അധ്യാപകര് പറയുന്നത്. വിദ്യാഭ്യാസ വകുപ്പില് വിവരം അറിയിച്ചതായും അവര് പറഞ്ഞു.
Related posts:
അമ്പലപ്പുഴ പാല്പ്പായസത്തിന്റെ വില വര്ദ്ധിപ്പിച്ചു; നടപടി 10 വര്ഷത്തിന് ശേഷം
