ജീവിതം കളറാക്കൻ കോടികൾ പൊടിക്കുന്ന നിരവധി ആളുകളുടെ കഥ നിങ്ങൾ കേട്ടിരിക്കും. എന്നാൽ പ്രായമാകുക എന്നു പറയുന്നത് ജീവിതത്തിന്റെ ഒരു ഘട്ടമാണ്, ഏവരും കടന്നു പോകേണ്ട ഒരു ഘട്ടം. എന്നാൽ വാർദ്ധക്യത്തെ അകറ്റാനും, യുവത്വം നിലനിർത്താനും ചിലർ ലോകത്ത് ശ്രമിക്കുന്നുവെന്നു പറഞ്ഞാൽ നിങ്ങൾ വിശ്വസിക്കുമോ? ഇതിനായി എത്ര പണം ചിലവഴിക്കാനും ഇത്തരക്കാർ തയ്യാറാണ്. അത്തരമൊരു വ്യക്തിയെ പറ്റിയാണ് ഇന്നു പറയുന്നത്. ബ്രെയിൻട്രീയുടെ സ്ഥാപകനും കോടീശ്വരനുമായ ബ്രയാൻ ജോൺസൺ ആണ് താരം. വാർദ്ധ്യകത്തെ അകറ്റാൻ വർഷം തോറും 16 കോടി രൂപയാണ് ഇദ്ദേഹം ചിലവിട്ടത്. അഭ്യൂതപൂർവ്വമായി ഈ ചിലവഴിക്കൽ കാരണം ഇദ്ദേഹം മുമ്പും വാർത്തകളിൽ ഇടം പിടിച്ചിട്ടുണ്ട്. എന്നാൽ ഇത്തവണ വാർത്തകളിൽ നിറയുന്നത് ഒരു സംരംഭകൻ എന്ന നിലയിലാണ്. 37.5 ഡോളർ (ഏകദേശം 3,100 രൂപയ്ക്ക്) മികച്ച കാലാവധിയുള്ള എക്സ്ട്രാ വെർജിൻ ഓയിലാണ് ബ്രയാൻ വാഗ്ദാനം ചെയ്യുന്നത്.
45 -ാം വയസിൽ ‘ബയോഹാക്കിംഗ്’ പ്രയത്‌നങ്ങൾ വഴി 37 വയസുകാരന്റെ ഹൃദയവും 18 വയസുകാരന്റെ ശ്വാസകോശ പ്രവർത്തനങ്ങളും കൈവരിച്ചെന്ന് അദ്ദേഹം മുമ്പ് അവകാശപ്പെട്ടിരുന്നു. വിപുലമായ വ്യായാമങ്ങളും, വിലയേറിയ ദിനചര്യകളും വഴിയാണ് താൻ നേട്ടം കൈവരിച്ചതെന്നായിരുന്നു അദ്ദേഹത്തിന്റെ അവകാശവാദം. ഇതിനായി പ്രതിവർഷം 2 മില്യൺ ഡോളർ (ഏകദേശം 16 കോടി രൂപ) വരെ ചിലവാക്കിയെന്നാണു അദ്ദേഹം പറയുന്നത്.
ബ്രായാന്റെ വാക്കുകൾ അനുസരിച്ച് അദ്ദേഹം വികസിപ്പിച്ച ബ്ലൂപ്രിന്റ് പ്രീമിയം എക്സ്ട്രാ വിർജിൻ ഒലിവ് ഓയിൽ (EVOO) ആരോഗ്യത്തിനും ദീർഘായുസിനും വേണ്ടി പ്രത്യേകം നിർമ്മിച്ചവയാണ്. ഒരു പ്രത്യേക തരം അധിക വെർജിൻ ഒലിവ് ഓയിൽ ഒരാളുടെ ആരോഗ്യ ആനുകൂല്യത്തെ വളരെയധികം സ്വാധീനിക്കുന്നുവെന്ന് അദ്ദേഹം ഗവേഷണങ്ങിലൂടെ കണ്ടെത്തി. കഴിഞ്ഞ കുറേ വർഷങ്ങളായി ബ്രയാൻ ഓരോ ദിവസവും രണ്ട് ടേബിൾസ്പൂൺ എക്സ്ട്രാ വെർജിൻ ഒലിവ് ഓയിൽ കഴിക്കുന്നുവെന്നാണ് റിപ്പോർട്ട്. ഇത് അദ്ദേഹത്തിന്റെ ദൈനംദിന കലോറിയുടെ 15 ശതമാനം വരുമെന്നും അദ്ദേഹം വെബ്സൈറ്റിൽ പറയുന്നു.
ഭൂമിയുടെ രണ്ട് ഹെമിസ്പിയറുകളിൽ നിന്ന് കണ്ടെത്തിയ വസ്തുക്കൾ ഉപയോഗിച്ചാണ് ഈ എണ്ണ ഉണ്ടാക്കിയിരിക്കുന്നത്. ഇത്രയും അപൂർവ്വമായി എണ്ണ കുറഞ്ഞ നിരക്കിൽ ആളുകളിലേയ്ക്ക് എത്തിക്കുന്നത് വെല്ലുവിളിയായിരുന്നെന്നും, എന്നിരുന്നാൽ പോലും ഒരു ബ്രാൻഡായി അവതരിപ്പിക്കുകയായിരുന്നെന്നും അദ്ദേഹം പറയുന്നു. ബ്ലൂപ്രിന്റ് EVOO കുരുമുളകിന്റെ നേരിയ രുചിയും മൃദുവായ ഘടനയും ഉള്ള സമ്പന്ന ഫ്‌ലേവർ ഉള്ളതാണെന്നു കമ്പനി അവകാശപ്പെടുന്നു. എന്നാൽ ചില ഒലിവ് ഓയിൽ വിദഗ്ധർ എണ്ണയെ വില കുറഞ്ഞതും, എന്നാൽ ഉയർന്ന നിലവാരമുള്ളതുമായ എണ്ണകളോടാണ് ഉപമിച്ചിരിക്കുന്നത്.
ബ്രയാന്റെ എണ്ണയിൽ മറ്റു പ്രത്യേക ചേരുവകൾ ഒന്നും തന്നെ ഉള്ളതായി തോന്നുന്നില്ലെന്നും, കുറഞ്ഞ വിലയുള്ള ഗുണനിലവാരമുള്ള ഒരു ഉൽപ്പന്നം മാത്രമാണ് EVOO എന്നും ഒലിവ് ഓയിൽ സ്‌പെഷ്യലിസ്റ്റും കാലിഫോർണിയ സർവകലാശാലയിലെ ഡേവിസ് ഫുഡ് സയൻസ് ആൻഡ് ടെക്‌നോളജി ഡിപ്പാർട്ട്‌മെന്റിലെ അസോസിയേറ്റ് പ്രൊഫസറുമായ ഡോ. സെലീന വാങ് പറയുന്നു. ആരോഗ്യപരമായ നേട്ടങ്ങൾക്ക് ഫ്രഷ് ഒലിവ് ഓയിൽ തന്നെ ഉപയോഗിക്കണമെന്നും അവർ കൂട്ടിച്ചേർത്തും. കാരണം കാലക്രമേണ അതിലെ ആന്റിഓക്സിഡന്റുകൾ നഷ്ടപ്പെടുമെന്ന് അവർ വ്യക്തമാക്കി. ഒലീവ് ഓയിലിന് ചില രോഗങ്ങളെ ചെറുക്കാൻ സധിക്കുമെന്നും അവർ പറഞ്ഞു.
