നിത്യവും ഡയറ്റില്‍ ഉള്‍പ്പെടുത്താവുന്ന ഒരു ഭക്ഷ്യപദാര്‍ത്ഥമാണ് ബദാം.ബദാം കഴിക്കുന്നത് ഹൃദയാരോഗ്യംമെച്ചപ്പെടുത്തുന്നു.പ്രമേഹരോഗികള്‍ക്കും ബദാം നല്ലതാണ്. നിരവധി പോഷകഘടകങ്ങള്‍ അടങ്ങിയ ബദാമില്‍ അടങ്ങിയിരിക്കുന്ന നാരുകള്‍, പ്രോട്ടീന്‍, വിറ്റാമിന്‍ ഇ, മഗ്‌നീഷ്യം എന്നിവ പ്രതിരോധശേഷി കൂട്ടുന്നതിന് സഹായിക്കുന്നു. ബദാമിലെ വിറ്റാമിന്‍ ഇ ചര്‍മ്മത്തെ മിനുസമാര്‍ന്നതും മൃദുലവുമാക്കും. ബദാം ഓയില്‍ ചര്‍മ്മത്തിന് ഉപയോഗിക്കുന്നതും ഗുണം ചെയ്യും. മുടിയുടെ പ്രശ്‌നങ്ങളെ ചെറുക്കാനും ബദാം സഹായിക്കും. തലച്ചോറിന്റെ പ്രവര്‍ത്തനത്തിന് ബദാം സഹായകമാണ്. ഇതിലെ വൈറ്റമിന്‍ ഇ ഓര്‍മ്മശക്തി കൂട്ടുന്നതിന് സഹായിക്കുന്നു.
ബദാമിലെ മോണോസാച്ചുറേറ്റഡ് കൊഴുപ്പുകള്‍ വിശപ്പ് നിയന്ത്രിക്കുക ചെയ്യുന്നു. അവ അമിതമായി ഭക്ഷണം കഴിക്കുന്നത് ഒഴിവാക്കാനും ശരീരഭാരം കുറയ്ക്കാനും സഹായിക്കും. ബദാം ഹൃദയത്തെ ആരോഗ്യകരമായി നിലനിര്‍ത്തുകയും ചീത്ത കൊളസ്‌ട്രോള്‍ (ലോ ഡെന്‍സിറ്റി ലിപ്പോപ്രോട്ടീന്‍) കുറയ്ക്കുകയും നല്ല കൊളസ്‌ട്രോള്‍ (ഉയര്‍ന്ന സാന്ദ്രതയുള്ള ലിപ്പോപ്രോട്ടീന്‍) വര്‍ദ്ധിപ്പിക്കുകയും ചെയ്യുന്നു. കുതിര്‍ത്ത ബദാമില്‍ ക്യാന്‍സറിനെ ചെറുക്കാന്‍ അത്യന്താപേക്ഷിതമായ വിറ്റാമിന്‍ ബി 17 അടങ്ങിയിട്ടുണ്ട്.
കുതിര്‍ത്ത ബദാമില്‍ ഫോളിക് ആസിഡ് അടങ്ങിയിട്ടുണ്ട്. ഇത് കുട്ടികളിലെ ബുദ്ധിവികാസത്തിലും വളര്‍ച്ചയ്ക്കും സഹായിക്കും. ബദാമിന് കുറഞ്ഞ ഗ്ലൈസെമിക് സൂചികയാണുള്ളത്. സമീകൃതാഹാരത്തിന്റെ ഭാഗമായി കഴിക്കുമ്പോള്‍ രക്തത്തിലെ പഞ്ചസാരയുടെ അളവ് സ്ഥിരപ്പെടുത്താനും ഇന്‍സുലിന്‍ സ്പൈക്കുകളുടെ സാധ്യത കുറയ്ക്കാനും കുതിര്‍ത്ത ബദാം സഹായിക്കും. പ്രഭാതഭക്ഷണത്തില്‍ ഒരു പിടി ബദാം ഉള്‍പ്പെടുത്തുന്നത് രക്തത്തിലെ പഞ്ചസാരയുടെ അളവ് നിയന്ത്രിക്കാന്‍ ഫലപ്രദമാണ്.
