എംബാപ്പെയ്‌ക്ക്‌ ഗോൾ, പിഎസ്‌ജി ജയിച്ചു

ലയണൽ മെസിയെ വിലക്കിയതിനുശേഷം ആദ്യമത്സരത്തിന്‌ ഇറങ്ങിയ പിഎസ്‌ജിക്ക്‌ ജയം. പത്തൊമ്പതാംസ്ഥാനക്കാരായ ട്രോയെസിനെ 3–-1ന്‌ തോൽപ്പിച്ചു. ഫ്രഞ്ച്‌ ലീഗ്‌ കിരീടം നിലനിർത്താൻ പിഎസ്‌ജിക്ക്‌ ഇനി ഏഴ്‌ പോയിന്റ്‌ മതി. രണ്ടാമതുള്ള ലെൻസിനെക്കാൾ ആറ്‌ പോയിന്റ്‌ മുന്നിലെത്തി.

Advertisements

പിഎസ്‌ജി അവസാനംകളിച്ച ആറ്‌ കളിയിൽ മൂന്നിലും തോറ്റിരുന്നു. ട്രോയെസിനെതിരെ കിലിയൻ എംബാപ്പെ, വിതീന്യ, ഫാബിയൻ റൂയിസ്‌ എന്നിവർ ലക്ഷ്യം കണ്ടു. ക്ലബ്ബിന്റെ അനുമതിയില്ലാതെ സൗദി അറേബ്യയിലേക്ക്‌ യാത്ര ചെയ്‌തതിനാണ്‌ മെസിയെ വിലക്കിയത്‌. രണ്ടാഴ്‌ചത്തെ വിലക്കാണ്‌ ഏർപ്പെടുത്തിയിരിക്കുന്നത്‌. മെസിയുടെ കരാർ ഈ സീസണിൽ അവസാനിക്കുകയാണ്‌. കരാർ പുതുക്കില്ലെന്നാണ്‌ സൂചന.