കണ്ണൂര് : പതിനേഴുകാരിയെ പീഡിപ്പിക്കാന് ശ്രമിച്ച കേസില് മോട്ടിവേഷനല് സ്പീക്കറായ, ഹയര് സെക്കന്ഡറി സ്കൂള് മുന് പ്രിന്സിപ്പല് അറസ്റ്റില്. മുഴക്കുന്ന് എടത്തൊട്ടി കൊട്ടയാടിലെ കുന്നത്ത് വീട്ടില് കെ.സി. ഷാജുവിനെയാണ് (59) മുഴക്കുന്ന് പൊലീസ് അറസ്റ്റ് ചെയ്തത്.
പ്രിന്സിപ്പലായി വിരമിച്ച ശേഷം ഷാജു ഹയര് സെക്കന്ഡറി വകുപ്പ് കരിയര് ഗൈഡന്സ് ആന്ഡ് അഡോളസന്റ് കൗണ്സലിങ് സംസ്ഥാന ഫാക്കല്റ്റിയായി പ്രവര്ത്തിച്ചുവരികയായിരുന്നു. വിദ്യാഭ്യാസ വകുപ്പിനു വേണ്ടി ബോധവല്ക്കരണ ക്ലാസുകളും എടുത്തിരുന്നു. പതിനേഴുകാരിയെ വീട്ടിലെത്തി പീഡിപ്പിച്ചുവെന്നാണ് പരാതി. ഇയാള്ക്കെതിരെ മുന്പും ഇത്തരം പരാതി ഉയര്ന്നുവെന്ന് വിവരമുണ്ട്.
സമൂഹ മാധ്യമങ്ങളിലും സ്ഥിരമായി മോട്ടിവേഷനല് വിഡിയോകള് ചെയ്തിരുന്നു. മാസ്റ്റര് ട്രെയിനര് എന്നാണ് ഇയാള് അറിയപ്പെട്ടിരുന്നത്. സൈക്കോളജിസ്റ്റ്, ഫിസിയോ തെറപ്പിസ്റ്റ്, ലൈഫ് സ്കില് ട്രെയ്നര് എന്നി നിലകളിലെല്ലാം പ്രവര്ത്തിച്ചിരുന്നു. മട്ടന്നൂര് കോടതിയില് ഹാജരാക്കിയ ഷാജുവിനെ റിമാന്ഡ് ചെയ്തു.
Related posts:
