പേര്യ വില്ലേജിൽ കാട്ടിയുടെ ശല്യം രൂക്ഷമാവുന്നു. ഇന്ന് പുലർച്ചെ എടലക്കുനി സനൂപിൻറെ മുന്നൂറോളം ചുവട് പയറാണ് പൂർണ്ണമായും കാട്ട് പോത്തിൻ കൂട്ടം നശിപ്പിച്ചത്. ഇന്നലെ രാത്രി വൈകിയും കാട്ടിയെ തുരത്തിയ ശേഷം. രാവിലെ പയർ പറിക്കാൻ പോയപ്പോളാണ് 400 ചുവട് പയർ കൃഷി മുഴുവനും നശിപ്പിച്ച നിലയിൽ കണ്ടത് പാട്ടത്തിനെടുത്ത വയലിലെ കൃഷിയാണ് കാട്ടിയുടെ വിളയാട്ടത്തിൽ പൂർണമായി നശിച്ചത്. പേര്യ വില്ലേജിലെ പല ഭാഗങ്ങളിലും സ്കൂളിന് പരിസരത്തും കാട്ടിയുടെ ശല്യം രൂക്ഷമാണെന്ന് നാട്ടുകാർ പറയുന്നു.ബന്ധപ്പെട്ടവർ ഉടൻതന്നെ ഇതിനൊരു പരിഹാരം ഉണ്ടാക്കണമെന്നും അർഹമായ നഷ്ടപരിഹാരം ലഭിക്കാൻ ആവശ്യമായ നടപടി സ്വീകരിക്കണമെന്നും കർഷക സംഘം പേര്യ വില്ലേജ് കമ്മറ്റി ആവശ്യപ്പെട്ടു
