ഏത് തരത്തിലുള്ള ബാങ്ക് അക്കൗണ്ട് തുറന്നാലും അതിനെല്ലാം ഒരു നോമിനി ചേർക്കാനുള്ള സൗകര്യമുണ്ട്. ബാങ്ക് അക്കൗണ്ട് ഉടമയ്ക്ക് എന്തെങ്കിലും അത്യാഹിതം സംഭവിച്ചാല് നോമിനിക്കാണ് സ്വത്ത് അല്ലെങ്കില് പണം ലഭിക്കുന്നത്. നോമിനി ചേർക്കുന്നത് മികച്ച തീരുമാനമാണ്. എന്നാല് പലരും അവരുടെ അക്കൗണ്ടുകളില് നോമിനികളെ ചേർക്കാറില്ല. പക്ഷേ അത്തരമൊരു സാഹചര്യത്തില് അക്കൗണ്ട് ഉടമയ്ക്ക് എന്തെങ്കിലും സംഭവിച്ചാല് മരണാനന്തരം പണം ലഭിക്കുന്നത് ആർക്കാണ്..?
നോമിനിയില്ലെങ്കില് പണം ലഭിക്കുന്നത് ആർക്കാണ്..?
അക്കൗണ്ട് ഉടമ നോമിനി ചേർക്കുന്നില്ലെങ്കില് പണം അക്കൗണ്ട് ഉടമയുടെ നിയമപരമായ അവകാശിക്ക് കൈമാറും. ഉദാഹരണത്തിന്, അക്കൗണ്ട് ഉടമ വിവാഹിതനാണെങ്കില് അദ്ദേഹത്തിന്റെ ഭാര്യയും കുട്ടികളും അദ്ദേഹത്തിന്റെ നിയമപരമായ അവകാശികളാകും. മറുവശത്ത്, അദ്ദേഹം വിവാഹിതനല്ലെങ്കില് അദ്ദേഹത്തിന്റെ മാതാപിതാക്കള്ക്കും സഹോദരങ്ങള്ക്കും പണത്തിനുള്ള അവകാശമുണ്ട്.
ക്ലെയിം ചെയ്യുന്ന വിധം
നോമിനി ചേർത്തിട്ടുണ്ടെങ്കില് നോമിനി ചില രേഖകള് സമർപ്പിക്കണം, പണം അദ്ദേഹത്തിന്റെ അക്കൗണ്ടിലേക്ക് മാറ്റപ്പെടും. എന്നാല് നോമിനിയില്ലെങ്കില് അവകാശി ക്ലെയിം ചെയ്യാൻ ചില രേഖകള് ആവശ്യമാണ്. ഇവയില് മരണ സർട്ടിഫിക്കറ്റ്, നിയമപരമായ അവകാശിയുടെ ഫോട്ടോ, കെവൈസി തുടങ്ങിയ ചില രേഖകള് ഉള്പ്പെടുന്നു.
നോമിനി ചേർക്കേണ്ടത് എന്തുകൊണ്ട്..?
അക്കൗണ്ടില് നോമിനിയില്ലെങ്കില് അക്കൗണ്ട് ഉടമയുടെ നിയമപരമായ അവകാശികളെ സംബന്ധിച്ച് തർക്കം ഉണ്ടാകാം. ഇത് തെളിയിക്കാൻ ധാരാളം പണം സമയവും ആവശ്യമാണ്. ഇൻഷുറൻസ് കമ്പനികള്ക്കും ക്ലെയിം നല്കാൻ ബുദ്ധിമുട്ടുണ്ടാകാം. അതിനാല് നോമിനി ചേർക്കുന്നത് ശരിയായ തീരുമാനമാണ്.
Related posts:
