മുംബൈ: നാസിക്കിലെ ദിന്ഡോരിയില് കാര് റോഡരകിലെ കിണറ്റിലേക്ക് മറിഞ്ഞ് ഒമ്പത് പേര് മരിച്ചു. മരിച്ചവരെല്ലാം ഒരു കുടുംബത്തിലെ അംഗങ്ങളാണെന്ന് പൊലീസ് പറഞ്ഞു. വെളളിയാഴ്ച രാത്രി പത്തുമണിയോടെയായിരുന്നു അപകടം.
മരിച്ചവരില് അഞ്ചുപേരെ തിരിച്ചറിഞ്ഞിട്ടില്ലെന്ന് പൊലീസ് പറഞ്ഞു. സുനില് ദത്തു ദര്ഗോഡെ, രാഖി സുനില് ദര്ഗോഡെ, ഉഷ അനില് ദര്ഗോഡെ, ശ്രദ്ധ അനില് ദര്ഗോഡെ, ശ്രാവണി അനില് ദര്ഗോഡെ എന്നിവരെയാണ് തിരിച്ചറിഞ്ഞിട്ടുള്ളത്. മറ്റുള്ളവരെ തിരിച്ചറിയാനുള്ള ശ്രമങ്ങള് തുടരുന്നതായും പൊലീസ് പറഞ്ഞു
ദിന്ഡോരി താലൂക്കിലെ ഇന്ഡോര് ഗ്രാമവാസികളാണ് അപകടത്തില്പ്പെട്ട കുടുംബമെന്നാണ് വിവരം. നിയന്ത്രണം നഷ്ടമായ മാരുതി കാര് റോഡരികിലെ കിണറ്റിലേക്ക് പതിക്കുകയായിരുന്നു. ഒരു സ്വകാര്യ കോച്ചിങ് ക്ലാസ് സംഘടിപ്പിച്ച ചടങ്ങില് പങ്കെടുത്ത ശേഷം മടങ്ങുകയായിരുന്നു കുടുംബം എന്നാണ് വിവരം. ദേശീയ ദുരന്ത നിവാരണ സേന സ്ഥലത്തെത്തി രക്ഷാപ്രവര്ത്തനത്തിന് നേതൃത്വം നല്കി. സംഭവസ്ഥലത്ത് തടിച്ചുകൂടിയ വന് ജനക്കൂട്ടം രക്ഷാപ്രവര്ത്തനത്തിന് തടസ്സമുണ്ടാക്കി.വാഹനത്തിന്റെ നിയന്ത്രണം നഷ്ടപ്പെട്ടതാണ് അപകടകാരണമെന്നാണ് പ്രാഥമിക നിഗമനം. സംഭവത്തില് കൂടുതല് അന്വേഷണം നടത്തിവരികയാണെന്ന് ദിന്ഡോരി പൊലീസ് അറിയിച്ചു.
Related posts:
