കൊച്ചി: തൃപ്പൂണിത്തുറയിലെ ജനങ്ങള് തന്നെ ഒരു എംഎല്എ ആയി ഉറപ്പിച്ചു കഴിഞ്ഞുവെന്ന് നടിയും എന്ഡിഎ സ്ഥാനാര്ഥിയുമായ അഞ്ജലി നായര്. തെരഞ്ഞെടുപ്പ് പ്രചാരണത്തിനിടെ ലഭിക്കുന്ന ജനപിന്തുണയെക്കുറിച്ച് സംസാരിക്കവെയാണ് അഞ്ജലി ഇക്കാര്യം പറഞ്ഞത്.
താന് പോകുന്ന ഇടങ്ങളിലെല്ലാം വലിയ സ്വീകാര്യതയാണ് ലഭിക്കുന്നതെന്നും മൈല്സ്റ്റോണ് മേക്കേഴ്സിന് നല്കിയ അഭിമുഖത്തില് അഞ്ജലി പറഞ്ഞു. പ്രചാരണത്തിനിടയില് സാധാരണക്കാരായ മനുഷ്യര് നല്കുന്ന സ്നേഹവും അവര് കാത്തുവെക്കുന്ന സമ്മാനങ്ങളും തന്നെ ഏറെ സന്തോഷിപ്പിക്കുന്നുണ്ടെന്ന് അഞ്ജലി കൂട്ടിച്ചേര്ത്തു.
”രാത്രി ഭക്ഷണം കഴിക്കാന് വേണ്ടി പാര്ട്ടിക്കാരുടെ കൂടെ പോയിട്ടാണ് വരുന്നത്. ഒരു ദിവസം ഒരാള് പറഞ്ഞു, വേഗം കൊടുക്ക്, എംഎല്എ കഴിച്ചിട്ട് പോകട്ടെ ആദ്യം. അപ്പോള് ഞാന് ചോദിച്ചു ‘എംഎല്എയോ ?’, അപ്പോള് അദ്ദേഹം പറഞ്ഞു ഞങ്ങളുടെ ഒക്കെ എംഎല്എ ആണ്.
എല്ലാവരും വിളിക്കുന്നതേ അങ്ങനെ ആണിപ്പോള്. അവര് എന്നെ അവരുടെ എംഎല്എ ആയി ഉറപ്പിച്ചു കഴിഞ്ഞു. പിന്നെ പലയിടത്തും പോകുമ്പോള് അവര് കരുതി വെക്കുന്ന ഓരോ സമ്മാനങ്ങളുണ്ട്, എനിക്ക് തരാനായി. പ്രചാരണത്തിന് പോകുന്ന വീടുകളില് അവര് പറയും പോകരുത് ഞങ്ങള് ഒരു സാധനം എടുത്തു വച്ചിട്ടുണ്ട്, എന്ന് പറഞ്ഞിട്ട് അവര് തരുന്ന ഓരോ സാധനങ്ങളുണ്ട്.
അതൊക്കെ എനിക്ക് ഏറെ സന്തോഷകരമായ കാര്യമാണ്. പ്രായം നോക്കാതെ, വേദി നോക്കാതെ പൊട്ടിക്കരഞ്ഞ് ഓരോന്ന് പറയുന്ന മനുഷ്യരുടെ അമര്ഷം, എന്നോട് കാണിക്കുന്ന വിശ്വാസം. അവരുടെ ദുഃഖം അറിയണമെങ്കില് അത് നേരിട്ട് കാണുക തന്നെ വേണം.”- അഞ്ജലി നായര് പറഞ്ഞു.
ചെറുപ്പത്തില് തന്റെ അച്ഛന് താനൊരു മന്ത്രിയാകുമെന്നാണ് തോന്നുന്നത് എന്ന് പറയുമായിരുന്നുവെന്നും അഞ്ജലി പറഞ്ഞു. ഇവള്ക്ക് രാഷ്ട്രീയത്തില് ഭയങ്കര ഭാവിയാണെന്നും അച്ഛന് പറയുമായിരുന്നുവെന്നും അഞ്ജലി കൂട്ടിച്ചേര്ത്തു.
Related posts:
