തിരുവനന്തപുരം: ആരോഗ്യവകുപ്പിലെ ഡോക്ടര്മാരുടെ സ്ഥാനക്കയറ്റം തയ്യാറാക്കാന് പ്രത്യേക എച്ച് ആര് സെല് രൂപീകരിച്ചു. ആരോഗ്യ വകുപ്പ് ഡയറക്ടറാണ് ഇതുസംബന്ധിച്ച ഉത്തരവ് പുറപ്പെടുവിച്ചത്. ഡോക്ടര്മാരുടെ സീനിയോറിറ്റി പട്ടിക, പ്രമോഷനുമായി ബന്ധപ്പെട്ട വിഷയങ്ങളുടെ തീര്പ്പാക്കല് തുടങ്ങിയ ത്വരിതപ്പെടുത്തുക തുടങ്ങിയ എച്ച് ആര് സെല്ലിന്റെ ഉത്തരവാദിത്തങ്ങളാണ്.മെഡിക്കല് ആന്ഡ് ഹോസ്പിറ്റല് അഡ്മിനിസ്ട്രേഷന് ഡെപ്യൂട്ടി ഡയറക്ടര് ഡോ അനില് വി യുടെ നേതൃത്വത്തില് അഞ്ചംഗ സമിതിയാണ് രൂപീകരിച്ചിട്ടുള്ളത്. ഡോ. വിനീത് വി എന്, അഖില് ജോ ആര്, ശ്രീമതി ഷാനിത സി, നിതിന് മനോഹര് എന്നിവര് എച്ച് ആര് സെല്ലില് ഉള്പ്പെടുന്നു. ആശുപത്രികളിലെ ഡോക്ടേഴ്സിന്റെ കുറവ് പരിഹരിക്കുക, ഒഴിവ് കൃത്യമായി നികത്തുക തുടങ്ങിയവയും സെല്ലിന്റെ ഉത്തരവാദിത്തത്തില്പ്പെടുന്നു.
സ്ഥാനക്കയറ്റം നടക്കാത്തതിനാല് ഒഴിവുകള് കൃത്യമായി നികത്താന് കഴിയാത്ത സ്ഥിതി നിലനില്ക്കുന്നുണ്ട്. ഡോക്ടര്മാരുടെ കുറവുമൂലം ജനങ്ങളും വളരെയേറെ ബുദ്ധിമുട്ട് നേരിടുന്നു. ഫയലുകള് തീര്പ്പാക്കുന്നതിലെ കാലതാമസവും, സ്ഥാനക്കയറ്റത്തിലെ വിഷയങ്ങളും നടപടികളെ പ്രതിസന്ധിയിലാക്കിയിരുന്നു. ഈ സാഹചര്യത്തിലാണ് ഇതിനായി പ്രത്യേക സെല് രൂപീകരിക്കാന് മന്ത്രി കെ മുരളീധരന് നിര്ദേശം നല്കിയത്.ഇഎസ്, ഇഎല്, ഇഎ, ഇആര്, ഇബി, ഇവി, ഇസി മുതലായ സെക്ഷനുകളുമായി സെല് ഏകോപിച്ചു പ്രവര്ത്തിക്കേണ്ടതാണ്. ആരോഗ്യവകുപ്പ് ഡയറക്ടറുടെ നിര്ദേശാനുസരണം മറ്റു പ്രവര്ത്തനങ്ങളും നിര്വഹിക്കേണ്ടതാണ്. സെല്ലിന്റെ പ്രവര്ത്തനങ്ങള് സംബന്ധിച്ച റിപ്പോര്ട്ട് നേരിട്ട് ആരോഗ്യ വകുപ്പ് ഡയറക്ടര്ക്ക് സമര്പ്പിക്കേണ്ടതാണെന്നും ഉത്തരവില് വ്യക്തമാക്കുന്നു.
Related posts:
അതിജീവിതയോട് പോലീസുദ്യോഗസ്ഥൻ മോശമായി പെരുമാറിയെന്ന പരാതിയിൽ അന്വേഷണത്തിന് മനുഷ്യാവകാശ കമ്മീഷൻ ഉത്തരവ്
ഫ്ളോട്ടിന് മുന്നില് ഡാന്സ് കളിക്കുന്നതിനിടെ കാലില് ചവിട്ടി; 19 കാരനെ കുത്തിക്കൊലപ്പെടുത്തി യുവാക്കള്
