വോ​ട്ടെ​ടു​പ്പ് മാ​റ്റി​വ​ച്ച വാ​ർ​ഡു​ക​ളി​ൽ പ്ര​ത്യേ​ക തെ​ര​ഞ്ഞെ​ടു​പ്പ് വി​ജ്ഞാ​പ​നം ഇ​ന്ന്

തി​രു​വ​ന​ന്ത​പു​രം: വോ​ട്ടെ​ടു​പ്പ് മാ​റ്റി​വ​ച്ച വാ​ർ​ഡു​ക​ളി​ലേ​ക്കു​ള്ള പ്ര​ത്യേ​ക തെ​ര​ഞ്ഞെ​ടു​പ്പ് വി​ജ്ഞാ​പ​നം ഇ​ന്ന് പു​റ​പ്പെ​ടു​വി​ക്കും. സ്ഥാ​നാ​ർ​ഥി​ക​ളു​ടെ നി​ര്യാ​ണ​ത്തെ​ത്തു​ട​ർ​ന്ന് വോ​ട്ടെ​ടു​പ്പ് മാ​റ്റി​വ​ച്ച മൂ​ന്ന് ത​ദ്ദേ​ശ സ്വ​യം​ഭ​ര​ണ വാ​ർ​ഡു​ക​ളി​ലേ​ക്കു​ള്ള വി​ജ്ഞാ​പ​ന​മാ​ണ് പു​റ​പ്പെ​ടു​വി​ക്കു​ക.

തി​രു​വ​ന​ന്ത​പു​രം കോ​ർ​പ്പ​റേ​ഷ​നി​ലെ വി​ഴി​ഞ്ഞം വാ​ർ​ഡ്, മ​ല​പ്പു​റം ജി​ല്ല​യി​ലെ മൂ​ത്തേ​ടം പ​ഞ്ചാ​യ​ത്തി​ലെ പാ​യി​മ്പാ​ടം വാ​ർ​ഡ്, എ​റ​ണാ​കു​ളം ജി​ല്ല​യി​ലെ പാ​മ്പാ​ക്കു​ട പ​ഞ്ചാ​യ​ത്തി​ലെ ഓ​ണ​ക്കൂ​ർ വാ​ർ​ഡ് എ​ന്നി​വി​ട​ങ്ങ​ളി​ലാ​ണ് പ്ര​ത്യേ​ക തെ​ര​ഞ്ഞെ​ടു​പ്പ് ന​ട​ക്കു​ക. ഈ ​വാ​ർ​ഡു​ക​ളി​ൽ നി​ല​വി​ൽ സ്ഥാ​നാ​ർ​ഥി​ക​ളാ​യ​വ​ർ വീ​ണ്ടും പ​ത്രി​ക സ​മ​ർ​പ്പി​ക്കേ​ണ്ട​തി​ല്ല.

തെ​ര​ഞ്ഞെ​ടു​പ്പ് പ്ര​ക്രി​യ പൂ​ർ​ത്തി​യാ​കു​ന്ന​തു​വ​രെ മൂ​ത്തേ​ടം, പാ​മ്പാ​ക്കു​ട പ​ഞ്ചാ​യ​ത്തു​ക​ളി​ൽ പൂ​ർ​ണ​മാ​യും തി​രു​വ​ന​ന്ത​പു​രം കോ​ർ​പ്പ​റേ​ഷ​നി​ലെ വി​ഴി​ഞ്ഞം വാ​ർ​ഡി​ൽ മാ​ത്ര​മാ​യും മാ​തൃ​കാ​പെ​രു​മാ​റ്റ​ച​ട്ടം നി​ല​നി​ൽ​ക്കും.

തി​രു​വ​ന​ന്ത​പു​രം കോ​ർ​പ​റേ​ഷ​നി​ൽ കേ​വ​ല ഭൂ​രി​പ​ക്ഷം ക​ട​ക്കാ​ൻ ബി​ജെ​പി​ക്ക് വി​ഴി​ഞ്ഞം വാ​ർ​ഡി​ൽ ജ​യി​ക്കേ​ണ്ട​തു​ണ്ട്. 101 അം​ഗ കൗ​ൺ​സി​ലി​ൽ 50 സീ​റ്റു​ക​ളി​ലാ​ണ് ഇ​പ്പോ​ൾ ബി​ജെ​പി സ്ഥാ​നാ​ർ​ഥി​ക​ൾ ജ​യി​ച്ചി​രി​ക്കു​ന്ന​ത്. ഇ​ട​തു​പ​ക്ഷം 29 സീ​റ്റി​ലേ​ക്ക് ഒ​തു​ങ്ങി​യ​പ്പോ​ൾ നി​ല മെ​ച്ച​പ്പെ​ടു​ത്തി​യ യു​ഡി​എ​ഫ് സീ​റ്റ് നി​ല 19 ആ​ക്കി ഉ​യ​ർ​ത്തി.

ര​ണ്ട് സ്വ​ത​ന്ത്ര സ്ഥാ​നാ​ർ​ഥി​ക​ളും വി​ജ​യി​ച്ചി​ട്ടു​ണ്ട്. പൊ​തു​സ്വ​ത​ന്ത്ര​നെ പു​റ​ത്തു​നി​ന്ന് പി​ന്തു​ണ​ച്ച് യു​ഡി​എ​ഫും എ​ൽ​ഡി​എ​ഫും ചേ​ർ​ന്ന് ഭ​ര​ണം അ​ട്ടി​മ​റി​ക്കാ​നു​ള്ള സാ​ധ്യ​ത​ക​ളെ അ​ക​റ്റി നി​ർ​ത്ത​ണ​മെ​ങ്കി​ൽ വി​ഴി​ഞ്ഞം വാ​ർ​ഡി​ൽ ബി​ജെ​പി​ക്ക് ജ​യി​ക്കേ​ണ്ട​തു​ണ്ട്.