മണി എംഎല്എ. ഇന്ന് ഫിഷറീസ് വകുപ്പിന്റെ ആഭിമുഖ്യത്തില് നിര്മ്മിച്ച ചെങ്കുളം മള്ട്ടി സ്പീഷിസ് മത്സ്യവിത്ത് ഫാമിന്റെ ഉദ്ഘാടന വേദിയിലാണ് മണിയുടെ രോഷപ്രകടനം. ഉദ്ഘാടനത്തിന് സജി ചെറിയാന് എത്താത്തതിലാണ് എംഎം മണി ക്ഷുഭിതനായത്. മന്ത്രി ഓണ്ലൈനായാണ് ഉദ്ഘാടനം നിര്വഹിച്ചത്.
‘ഒരുമാതിരി പണി മന്ത്രിയാണെങ്കിലും കാണിക്കല്ല്. ഞാന് ഇങ്ങനെ പറഞ്ഞെന്ന് അങ്ങ് പറഞ്ഞേരെ (ഉദ്യോഗസ്ഥരോട്) ഞങ്ങളെയൊക്കെ എന്തിന് മെനക്കെടുത്തി?. അയാള് അവിടെ ഇരുന്ന് ഒണ്ടാക്കണ്ട കാര്യമുണ്ടോ? ഞാനും രാജയും മതി ഇത് ഉദ്ഘാടനം ചെയ്യാന്.’
‘ഇതിപ്പം കുളിച്ചില്ലേലും കോണകം പുരപ്പുറത്ത് കിടക്കണമെന്ന് പറയുന്ന പോലെയാ. തിരുവനന്തപുരത്ത് ഇരുന്നുള്ള ഒണ്ടാക്കല്. മെനക്കെടുന്നത് നമ്മള്. ഡീസലും അടിച്ച് നമ്മള് പിറകെ നടക്കുവാ. മേലാല് എന്നെ ഇത്തരം കാര്യങ്ങള്ക്ക് ക്ഷണിക്കരുത്.’
‘എന്റെ ഭാഷയില് പറഞ്ഞാല് ഞാന് വേറെ വല്ലതും പറയും. അത് ഞാന് പറയുന്നില്ല. ഇതൊരു സദസ് ആയതിനാല്’- എംഎം മണി തുറന്നടിച്ചു.
Related posts:
