മലയാളികള്ക്കേറെ ഇഷ്ടമുള്ള യുവനടന്മാരിലൊരാളാണ് നിവിന് പോളി. അതുകൊണ്ട് തന്നെ നിവിന്റെ ഒരു സിനിമ റിലീസിനെത്തുന്നു എന്ന് പറയുമ്പോള് മലയാളികള് അത്രയേറെ ആകാംക്ഷയോടെ കാത്തിരിക്കുന്നത്. സര്വ്വം മായ ആണ് നിവിന്റേതായി തിയറ്ററില് അടുത്തിടെ ഹിറ്റായ ചിത്രം. 150 കോടിയാണ് ചിത്രം തിയറ്ററുകളില് നിന്ന് നേടിയത്.
എന്നാല് സര്വ്വം മായയ്ക്ക് ശേഷം നിവിന്റേതായി തിയറ്ററുകളിലെത്തിയ രണ്ട് ചിത്രങ്ങളും പ്രേക്ഷകരെ നിരാശപ്പെടുത്തിയിരിക്കുകയാണ്. ബേബി ?ഗേള്, പ്രതിഛായ എന്നീ ചിത്രങ്ങളാണ് ബോക്സ് ഓഫീസില് മികച്ച പ്രകടനം കാഴ്ചവയ്ക്കാനാകാതെ പോകുന്നത്. ഈ വര്ഷം നിവിന്റേതായി പുറത്തിറങ്ങിയ ആദ്യ ചിത്രം കൂടിയായിരുന്നു ബേബി ഗേള്.
മുടക്കിയ ബഡ്ജറ്റ് പോലും തിരിച്ചുപിടിക്കാനാകാതെയായിരുന്നു ബേബി ?ഗേള് തിയറ്റര് വിട്ടത്. ബി ഉണ്ണികൃഷ്ണന് രചനയും സംവിധാനവും നിര്വഹിച്ച പ്രതിഛായ ഇന്നലെയാണ് തിയറ്ററുകളിലെത്തിയത്. ആദ്യ ഷോയ്ക്ക് പിന്നാലെ തന്നെ ചിത്രത്തിന് സമ്മിശ്ര പ്രതികരണമാണ് വന്നത്.
പ്രമുഖ ട്രാക്കര്മാരായ സാക്നില്ക്കിന്റെ റിപ്പോര്ട്ട് പ്രകാരം ഓപ്പണിങ് ഡേയില് ഇന്ത്യയില് നിന്ന് ചിത്രം നേടിയത് 65 ലക്ഷം രൂപയാണ്. ആ?ഗോളതലത്തില് 75 ലക്ഷം രൂപയാണ് പ്രതിഛായ ഇതുവരെ കളക്ട് ചെയ്തത് എന്നാണ് റിപ്പോര്ട്ടുകള് സൂചിപ്പിക്കുന്നത്. ഈ അടുത്ത കാലത്തിറങ്ങിയ നിവിന് പോളി ചിത്രങ്ങളില് ഏറ്റവും മോശം ഫസ്റ്റ് ഡേ കളക്ഷനാണിത്.
സഖാവിന് ശേഷം നിവിന് നായകനാകുന്ന പൊളിറ്റിക്കല് ത്രില്ലറാണ് പ്രതിഛായ. കേരള രാഷ്ട്രീയത്തില് കുറച്ചുകാലം മുന്പ് നടന്ന സംഭവങ്ങളെ ആസ്പദമാക്കിയാണ് ചിത്രമൊരുക്കിയിരിക്കുന്നത്.
ആറാട്ട്, ക്രിസ്റ്റഫര് എന്നീ ചിത്രങ്ങള്ക്ക് ശേഷം ഉണ്ണികൃഷ്ണന് അണിയിച്ചൊരുക്കിയ ബിഗ് ബഡ്ജറ്റ് ചിത്രം കൂടിയാണ് പ്രതിഛായ. സര്വ്വം മായയിലൂടെ തിരിച്ചു വന്ന നിവിന് പോളി ബേബി ഗേള്, പ്രതിഛായയിലൂടെ തിരിച്ചു പോയിരിക്കുന്നു എന്നാണ് സോഷ്യല് മീഡിയയിലും നിറയുന്ന കമന്റുകള്.
Related posts:
