തിരുവനന്തപുരം: ചൂടുമായി ബന്ധപ്പെട്ട വ്യാജ പ്രചാരണങ്ങളില് വീഴരുതെന്ന മുന്നറിയിപ്പുമായി സംസ്ഥാന ദുരന്ത നിവാരണ അതോറിറ്റി. ഔദ്യോഗിക മുന്നറിയിപ്പ് എന്നുള്ള തരത്തിലാണ് പ്രചാരണങ്ങള് നടക്കുന്നത്. ഇത്തരം വ്യാജ പ്രചാരണങ്ങളും ദുരന്ത നിവാരണ നിയമം 2005, Section 54 അനുസരിച്ച് ശിക്ഷാര്ഹമാണെന്നും സംസ്ഥാന ദുരന്ത നിവാരണ അതോറിറ്റി ഫെയ്സ്ബുക്ക് കുറിപ്പിലൂടെ അറിയിച്ചു.ഏപ്രില് 29 മുതല് മെയ് 12 വരെ താപനില 45 ഡിഗ്രി മുതല് 55 ഡിഗ്രി വരെ ഉയരും എന്നും തുറസായ സ്ഥലങ്ങളില് നില്ക്കരുതെന്നും ചൂട് മൂലം മൊബൈല് ഫോണുകള് പൊട്ടിത്തെറിക്കാമെന്നുമാണ് വ്യാജമായി പ്രചരിപ്പിക്കുന്നത്. കാറുകളില് ഇന്ധന ടാങ്കുകള് മുഴുവനായി നിറയ്ക്കരുത് തുടങ്ങിയ നിര്ദേശങ്ങള് അടങ്ങിയ വാട്സ്ആപ്പ് പ്രചാരണമാണ് നടക്കുന്നത്. സിവില് ഡിഫന്സ് വകുപ്പ് എന്ന പേരിലാണ് സന്ദേശം പ്രചരിക്കുന്നത്. കേരളത്തില് സിവില് ഡിഫന്സ് എന്ന വകുപ്പ് ഇല്ലെന്നും മുന്നറിയിപ്പില് പറയുന്നു.കേരളത്തിലെ സിവില് ഡിഫന്സ് അഗ്നിരക്ഷാസേനയുടെ കീഴില് പ്രവര്ത്തിക്കുന്ന സന്നദ്ധ സേനയാണ്. ഔദ്യോഗിക അറിയിപ്പുകള്ക്കും മുന്നറിയിപ്പുകള്ക്കും സംസ്ഥാന ദുരന്തനിവാരണ അതോറിറ്റിയുടെ (KSDMA ) ഔദ്യോഗിക പേജുകള്, വെബ്സൈറ്റ് എന്നിവ സന്ദര്ശിക്കുക. കേരളത്തില് താപനില 54 ഡിഗ്രി ആകുമെന്ന പ്രവചനം കേന്ദ്ര കാലാവസ്ഥ വകുപ്പ് പുറത്തിറക്കിയിട്ടില്ലെന്നും കുറിപ്പില് പറയുന്നു.
Related posts:
കേരളം വിധിയെഴുതുന്നു, വോട്ടെടുപ്പ് തുടങ്ങി; ജനാധിപത്യത്തെ വിജയിപ്പിക്കണമെന്ന് വിഡി സതീശന്
കണ്ണൂരില് ബിജെപിക്കാരന്റെ വീടിന് നേരെ ബോംബേറ്; ആക്രമണം നടത്തിയത് മുഖംമൂടി ധരിച്ചെത്തിയവര്
‘ദുരന്ത ബാധിതര്ക്കായി പിരിച്ച ഫണ്ടിന്റെ കണക്കു പുറത്തുവിടണം’; രാഹുല് ഗാന്ധിക്ക് കത്തയച്ച് സന്തോഷ് കുമാര് എംപി
ഡിവൈഎഫ്ഐ നല്കിയ രണ്ട് കോടിയുടെ പലിശ എവിടെ, 778 കോടി കൊണ്ട് സര്ക്കാര് എന്തു ചെയ്തു’; ചോദ്യങ്ങളുമായി രാഹുല് മാങ്കൂട്ടത്തില്
