തിരുവനന്തപുരം: ഓണക്കാല റേഷന് വിതരണം തിങ്കളാഴ്ച മുതല് ആരംഭിക്കും. മഞ്ഞ കാര്ഡിന് 30 കിലോ അരിയും രണ്ട് കിലോ ഗോതമ്പും സൗജന്യമായും മൂന്ന് പാക്കറ്റ് ആട്ട ഏഴ് രൂപാ നിരക്കിലും ലഭിക്കും. പിങ്ക് കാര്ഡിലെ ഓരോ അംഗത്തിനും നാല് കിലോ അരിയും ഒരു കിലോ ഗോതമ്പും സൗജന്യമായും ആട്ട ഒമ്പത് രൂപാ നിരക്കിലും ലഭിക്കും.
നീല കാര്ഡില് ഓരോ അംഗത്തിനും രണ്ട് കിലോ അരി വീതം കിലോയ്ക്ക് നാല് രൂപയ്ക്കും രണ്ട് കിലോ സ്പെഷല് ഗോതമ്പ് കിലോയ്ക്ക് 8.70 രൂപയ്ക്കും മൂന്ന് കിലോ അരി 10.90 രൂപാ നിരക്കിലും ലഭിക്കും. താലൂക്കിലെ സ്റ്റോക്കിനനുസരിച്ച് കാര്ഡിന് നാല് കിലോ വരെ ആട്ട കിലോയ്ക്ക് 17 രൂപയ്ക്ക് നല്കും. അധികവിഹിതമായി പരമാവധി 10 കിലോ അരി 26 രൂപാ നിരക്കില് ഓഗസ്റ്റ് 10 മുതല് ലഭിക്കും. ഓണക്കാലത്ത് വിലക്കയറ്റം നിയന്ത്രിക്കാന് വിപണിയില് ഇടപെടുമെന്നും മന്ത്രി അനൂപ് ജേക്കബ് പറഞ്ഞു.അതേസമയം ലോട്ടറി തൊഴിലാളികള്ക്കുള്ള ഓണം ബത്ത സംസ്ഥാന സര്ക്കാര് വര്ധിപ്പിച്ചിരുന്നു. 1000 രൂപയാണ് ഉത്സവ ബത്തയായി വര്ധിപ്പിച്ചത്. 26,980 അംഗങ്ങള്ക്കും 9,345 പെന്ഷന്കാര്ക്കും ഈ ആനുകൂല്യം ലഭ്യമാകും. ഇതിനായി സംസ്ഥാന സര്ക്കാര് 26.47 കോടി രൂപ അനുവദിച്ചിട്ടുണ്ട്. ഏജന്റുമാര്ക്കും വില്പ്പനക്കാര്ക്കും 8500 രൂപയും പെന്ഷന്കാര്ക്ക് 3750 രൂപയും ലഭിക്കും. ചരിത്രത്തില് ആദ്യമായാണ് ഏജന്റുമാര്ക്കും പെന്ഷന്കാര്ക്കും ഒരുപോലെ തുക വര്ധിപ്പിക്കുന്നത്.
Related posts:
വെളിച്ചെണ്ണ മുതല് പായസം മിക്സ് വരെ; മഞ്ഞ കാര്ഡുകാര്ക്ക് 16 ഇനം ഉല്പനങ്ങളുമായി ഓണക്കിറ്റ്
എഡിജിപി എംആർ അജിത് കുമാറിന് സസ്പെൻഷൻ
സ്വത്ത് തട്ടാന് വ്യാജ പോക്സോ കേസ്; പൊലീസ് ഇന്സ്പെക്ടര്ക്കെതിരെ അന്വേഷണം
