തിരുവനന്തപുരം: മയക്കുമരുന്നിനും ഗുണ്ടകള്ക്കുമെതിരെയുള്ള വിട്ടുവീഴ്ചയില്ലാത്ത നടപടിയുമായി ആഭ്യന്തര വകുപ്പ്. ലഹരിക്കെതിരായ ഓപ്പറേഷന് തൂഫാനില് അറസ്റ്റിലായവരുടെ എണ്ണം പതിനായിരം കടന്നു. ഇതുവരെ 8.28 കിലോ എംഡിഎംഎയും 1000 കിലോ കഞ്ചാവും പിടികൂടിയതായി പൊലീസ് അറിയിച്ചു.കേരളത്തിലേക്ക് എംഡിഎംഎ കൂടുതലായെത്തുന്നത് ബെംഗളൂരു, ഡല്ഹി, ഗോവ എന്നിവിടങ്ങളില് നിന്നാണ്. രാസലഹരിക്കേസുകളിലും കേരളത്തിലേക്കുള്ള കഞ്ചാവിന്റെ വരവിലും മുഖ്യകണ്ണികള് കേരളത്തിന് പുറത്താണ്. ഓപ്പറേഷന് തൂഫാനില് പിടിയിലാകുന്നവരിലേറെയും ചെറുകിട വില്പ്പനക്കാരോ ഉപയോഗിക്കുന്നവരോ ആണ്.
കുറ്റവാളികളെ അമര്ച്ച ചെയ്യുക എന്ന ലക്ഷ്യത്തോടെ പ്രഖ്യാപിച്ച ഓപ്പറേഷന് ഗ്രിപ്പില് പിടികിട്ടാപ്പുള്ളികള് അടക്കം 158 പേര് അറസ്റ്റിലായിട്ടുണ്ട്. 20 പേര്ക്കെതിരെ കാപ്പ ചുമത്തി. മരട് അനീഷ്, അര്ജുന് ആയങ്കി അടക്കമുള്ളവര് ജയിലിലായി. ഓപ്പറേഷന് ഗ്രിപ്പിന്റെ ഭാഗമായി 10,519 പേരെ പൊലീസ് കര്ശന നിരീക്ഷണത്തിലാക്കിയിട്ടുണ്ട്.
Related posts:
വയനാടും കോഴിക്കോടും റെഡ് അലേർട്ട്
‘ഒരു ബിയർ അടിച്ചിരുന്നു, എന്നാല് അയ്യപ്പ ബൈജുവൊന്നുമല്ല’; കേസിന് പിന്നാലെ വിശദീകരണവുമായി ഹെലന് ഓഫ് സ്പാർട്ട
കണ്ണൂർ സെൻട്രൽ ജയിലിൽ തടവുകാർ തമ്മിൽ സംഘർഷം, തടയാൻ എത്തിയ ഉദ്യോഗസ്ഥർ ഉൾപ്പെടെ 11 പേർക്ക് പരുക്ക്
