ന്യൂഡല്ഹി: റേസിങ് ട്രാക്കില് നിന്ന് സാധാരണ നിരത്ത് ലക്ഷ്യമിട്ട് ആസ്റ്റന് മാര്ട്ടിന്റെ ബൈക്ക്. ബ്രോ സുപ്പീരിയറുമായി സഹകരിച്ചാണ് സാധാരണ നിരത്തുകള്ക്കായുള്ള ആസ്റ്റന് മാര്ട്ടിന്റെ ആദ്യ മോഡല് വിപണിയില് എത്തുന്നത്. എഎംബി 002 റോഡ്സ്റ്റര് എന്ന പേരിലാണ് ബൈക്ക് വരുന്നത്.
ആദ്യ ഡെലിവറികള് അടുത്ത വര്ഷം മൂന്നാം പാദത്തില് ആരംഭിക്കാനാണ് പദ്ധതി. ലോകമാകെ 300 എണ്ണമാണ് ലഭ്യമാക്കുക. മുന്പത്തെ എഎംബി 001,എഎംബി 001 പ്രോ എന്നിവ ട്രാക്കില് മാത്രം ഉപയോഗിക്കുന്ന റേസിങ് മോഡലുകളാണ്. ഇതിന്റെ മെക്കാനിക്കല് പാക്കേജ്, റൈഡിങ് പൊസിഷന്, ഷാസി എന്നിവയെല്ലാം റോഡ് ഉപയോഗത്തിന് മാത്രമായി പ്രത്യേകം വികസിപ്പിച്ചെടുത്തതാണ്.
പുതിയ 1,083 സിസി ലിക്വിഡ് കൂള്ഡ് 88 ഡിഗ്രി വി ട്വിന് എന്ജിന് 130 ബിഎച്ച്പി കരുത്തും 110 എന്എം ടോര്ക്കും ഉല്പ്പാദിപ്പിക്കുന്നു. ബൈക്കിന്റെ ഭാരം വെറും 190 കിലോഗ്രാം മാത്രമാണ്. സാധാരണ ടെലിസ്കോപിക് ഫോര്ക്കുകള്ക്ക് പകരം ബ്രോ സൂപ്പീരിയറിന്റെ ഫിയോര്- ടൈപ്പ് ഡബിള് വിഷ്ബോണ് സസ്പെന്ഷനാണ് ഉപയോഗിക്കുന്നത്. പെട്ടെന്ന് ബ്രേക്ക് ചെയ്യുമ്പോള് മുന്നോട്ടു ആഞ്ഞുപോകുന്നത് കുറയ്ക്കുന്നു എന്നതാണ് സസ്പെന്ഷന് ഡിസൈനിന്റെ പ്രധാന നേട്ടം.
Related posts:
കേന്ദ്രത്തിനു വഴങ്ങി സക്കര്ബര്ഗ്; ലൈംഗികാതിക്രമ ഉള്ളടക്കത്തിലും സാങ്കേതിക പിഴവിലും ഖേദപ്രകടനം
ഐടിആര് ഫയലിങ് മുതല് പാചകവാതക വില വരെ; ജൂലൈ ഒന്നുമുതൽ വരുന്ന അഞ്ചു മാറ്റങ്ങള്
