അഹാന കൃഷ്ണ- നിമിഷ് രവി വിവാഹത്തിൽ തിളങ്ങി നടൻ ദുൽഖർ സൽമാൻ. സെപ്റ്റംബർ 13ന് താജ് കോവളത്തു വച്ച് നടന്ന അഹാനയുടെയും നിമിഷിന്റെയും വിവാഹത്തിൽ അവതാരകനായി എത്തിയത് ദുൽഖർ സൽമാൻ ആയിരുന്നുവെന്നാണ് പുറത്തുവരുന്ന റിപ്പോർട്ടുകൾ. നിമിഷ് രവിയുടെ ഏറ്റവും അടുത്ത സുഹൃത്താണ് ദുൽഖർ. മാത്രമല്ല നിമിഷിന്റെ കരിയറിലും ദുൽഖർ പ്രധാന പങ്കുവഹിച്ചിട്ടുണ്ട്.അഹാന പങ്കുവച്ച വിവാഹച്ചിത്രങ്ങളിലെ ഏറ്റവും മനോഹരമായ ഒരു ചിത്രത്തിൽ സമീപത്തായി ദുൽഖർ നിൽക്കുന്നത് കാണാം. കയ്യിൽ മൈക്ക് പിടിച്ചു നിൽക്കുന്ന ദുൽഖറിന്റെ സാന്നിധ്യത്തിൽ വധൂവരന്മാർ വിവാഹവേദിയിൽ ചുംബിക്കുന്ന ചിത്രം ഇതിനോടകം തന്നെ സോഷ്യൽ മീഡിയയിൽ ഹിറ്റായി കഴിഞ്ഞു.ദുൽഖറിനെ കൂടാതെ ചന്തു സലിംകുമാർ, ജേക്സ് ബിജോയ്, ഡൊമിനിക് അരുൺ എന്നിവരായിരുന്നു സിനിമയിൽ നിന്നുണ്ടായിരുന്ന മറ്റ് അതിഥികൾ. “20-ാം വയസിൽ കണ്ടുമുട്ടി, 30-ാം വയസിൽ വിവാഹം കഴിച്ചു!. എന്റെ ഉറ്റ സുഹൃത്ത്, ബോയ്ഫ്രണ്ട്, പങ്കാളി, ആത്മാവ് തൊട്ടറിഞ്ഞ കൂട്ടുകാരൻ, എന്റെ കംഫർട്ട് പില്ലോ, കപ്പ് കേക്ക്, ഇപ്പോൾ ഇതാ എന്റെ ഭർത്താവും!നിന്നോടൊപ്പമുള്ളപ്പോൾ എന്റെ ഹൃദയം എപ്പോഴും പതുക്കെയും സ്ഥിരതയോടെയും കൃത്യമായ താളത്തിലും മിടിക്കുന്നു. ഒരുമിച്ച് പ്രായമാകാനും നമുക്ക് മാത്രമായി ഒരു ലോകം പടുത്തുയർത്താനും… ജീവിതത്തിലും അതിനപ്പുറവും ഒരേ ടീമായി തുടരാൻ നമുക്ക് കഴിയട്ടെ!”- എന്നാണ് മനോഹരമായ വിവാഹചിത്രങ്ങൾക്കൊപ്പം അഹാന കുറിച്ചത്.”എന്റെ ഏറ്റവും അടുത്ത സുഹൃത്ത്, ഇപ്പോൾ എന്റെ ഭാര്യ”- എന്നാണ് ചിത്രങ്ങൾക്കൊപ്പം നിമിഷ് രവി കുറിച്ചത്. അഹാനയുടെ കുടുംബത്തിലെ എല്ലാ വിശേഷങ്ങളിലും ഛായാഗ്രാഹകനായ നിമിഷ് രവിയുടെയും കുടുംബത്തിന്റെയും സാന്നിധ്യം മുൻപും ഉണ്ടായിരുന്നെങ്കിലും, ഇരുവരും തങ്ങളുടെ പ്രണയത്തെക്കുറിച്ചോ വ്യക്തിപരമായ ബന്ധത്തെക്കുറിച്ചോ പൊതുവെ മൗനം പാലിക്കുകയായിരുന്നു.സെപ്റ്റംബർ 13 മുതൽ ആരംഭിച്ച മൂന്നു ദിവസം നീണ്ടുനിന്ന വിവാഹച്ചടങ്ങുകളിൽ അടുത്ത ബന്ധുക്കളും സുഹൃത്തുക്കളും മാത്രമാണ് പങ്കെടുത്തത്.
Related posts:
സോഷ്യല് മീഡിയയ്ക്ക് തീയിട്ട് മോഹന്ലാല്; ‘വേല്മുരുകാ’ പാടിയും ഡാന്സ് കളിച്ചും സ്റ്റേജില് ലാലേട്ടന്!
എമ്പുരാന് ഗംഭീര വിജയമായാല് അടുത്ത ദിവസം ഞാന് ചെയ്യുന്നത് അതായിരിക്കും: പൃഥ്വിരാജ്
