ബത്തേരി: ബത്തേരി പോലീസ് സ്റ്റേഷന് പരിസരത്തെ തൊണ്ടിമുതല് റൂമില് സൂക്ഷിച്ച ഏഴ് ചാക്ക് ഹാന്സ് മോഷ്ടിച്ച കേസില് പ്രതിയായ പോലീസുകാരന്റെ കാര് പോലീസ് കണ്ടെത്തി. മലപ്പുറം ജില്ലയിലെ പൂക്കോട്ടുപാടത്തുനിന്നാണ് പ്രതി ഒളിവില് പോകാന് ഉപയോഗിച്ച KL 71 G 2615 നമ്പറിലുള്ള റെനോ ഡസ്റ്റര് കാര് കസ്റ്റഡിയിലെടുത്തത്. സ്റ്റേഷനിലെ സീനിയര് സിവില് പോലീസ് ഓഫീസര് (ഗ്രേഡ്) സബിത്താണ് ഹാന്സ് മോഷ്ടിച്ചത്. ജൂലൈ 19 ന് അര്ധരാത്രിയിലായിരുന്നു സംഭവം. അന്നേ ദിവസം ജി.ഡി ചുമതല വഹിച്ചിരുന്ന സബിത്, ഹാന്സ് ചാക്കുകള് സ്റ്റേഷനില് നിന്ന് മാറ്റി ഈ കാറിലാണ് കടത്തിക്കൊണ്ടുപോയത്. പിന്നീട് ആഗസ്റ്റ് 22 മുതല് ഇയാള് ദീര്ഘകാല അവധിയില് പ്രവേശിക്കുകയായിരുന്നു. മോഷണ വിവരം പുറത്തറിഞ്ഞതുമുതല് ഇയാള് ഒളിവിലാണെന്ന് പോലീസ് വ്യക്തമാക്കി. പ്രതിയുടെ വാഹനമായ റെനോ ഡസ്റ്റര് കാര് കസ്റ്റഡിയിലെടുത്തതു കൂടാതെ, ഇയാള്ക്കെതിരെ വ്യാപകമായ തിരച്ചിലും പോലീസ് നടത്തി വരുന്നുണ്ട്.
Related posts:
