ടെലികോം റെഗുലേറ്ററി അതോറിറ്റി ഓഫ് ഇന്ത്യ (ട്രായ്) വണ്‍ ടൈം പാസ്‌വേഡുകള്‍ (ഒടിപികള്‍) ഉള്‍പ്പെടെയുള്ള വാണിജ്യ സന്ദേശങ്ങളില്‍ ‘ട്രെയ്‌സിബിലിറ്റി മാൻഡേറ്റി’നുള്ള സമയപരിധി ഡിസംബർ 1 വരെ നീട്ടി. സ്പാം, ഫിഷിങ് എന്നിവ ലക്ഷ്യമാക്കിയുള്ള സന്ദേശങ്ങള്‍ തടയുന്നതിന് വേണ്ടിയാണ് ട്രെയ്‌സിബിലിറ്റി നടപ്പിലാക്കുന്നത്. എന്നാല്‍ ഇതുമായി ബന്ധപ്പെട്ടുള്ള സേവന തടസങ്ങളെക്കുറിച്ച്‌ ടെലികോം ഓപ്പറേറ്റര്‍മാര്‍ ആശങ്ക ഉന്നയിച്ചിരുന്നു. ഈ സാഹചര്യത്തിലാണ് ട്രായി സമയപരിധി നീട്ടിയത്. നവംബർ 1 മുതല്‍ ട്രെയ്‌സിബിലിറ്റി നിയമം നടപ്പിലാക്കുന്നത് വലിയ തോതിലുള്ള സേവന തടസ്സങ്ങള്‍ക്ക് കാരണമാകുമെന്ന് ടെലികോം കമ്പനികള്‍ മുന്നറിയിപ്പ് നല്‍കിയിരുന്നു. ബാങ്കുകള്‍, ടെലിമാര്‍ക്കറ്റുകള്‍ ഉള്‍പ്പെടെ നിരവധി ബിസിനസുകള്‍ ഇതുവരെ സാങ്കേതികമായി ഈ മാറ്റങ്ങള്‍ക്ക് തയ്യാറാകാത്തതാണ് ഇതിന് കാരണമായി ചൂണ്ടിക്കാട്ടിയത്. അതുകൊണ്ടാണ് സമയപരിധി ഡിസംബര്‍ ഒന്നിലേക്ക് നീട്ടിയത്. പുതിയ തീരുമാനപ്രകാരം ട്രെയ്‌സിബിലിറ്റി മാൻഡേറ്റ് പാലിക്കാത്ത സന്ദേശങ്ങള്‍ ഡിസംബർ 1 മുതല്‍ ബ്ലോക്ക് ചെയ്യും. ഒട്ടുമിക്ക ടെലിമാർക്കറ്റർമാർക്കും പ്രിൻസിപ്പല്‍ എൻ്റിറ്റികള്‍ക്കും (പിഇ) അവരുടെ സംവിധാനങ്ങള്‍ നവീകരിക്കേണ്ടതുണ്ടെന്നും, ഒടിപികള്‍ പോലുള്ള നിർണായക സന്ദേശങ്ങള്‍ തടസ്സമില്ലാതെ ലഭിക്കുന്നത്‌ ഉറപ്പാക്കാൻ ഈ നടപടി ആവശ്യമാണെന്നും ടെലികോം കമ്പനികള്‍ വ്യക്തമാക്കി
Related posts:
276 ദിവസം ഭൂമിയെ ഭ്രമണം ചെയ്ത ശേഷം ചൈനയുടെ ആളില്ലാ പരീക്ഷണ പേടകം ഭൂമിയില്‍ തിരിച്ചെത്തി
അദ്ഭുതമായി ഗൂഗിൾ എഐ മാജിക് എഡിറ്റർ
ഗൂഗിള്‍ മാപ്‌സ് ഇനി 3D-യില്‍ വഴികാണിക്കും
വാട്സ്ആപ്പ് മുഖാന്തരം എത്തുന്ന അജ്ഞാത കോളുകളെ തിരിച്ചറിയാം
ഇൻസ്റ്റലേഷൻ ചാർജുകൾ നൽകാതെ തന്നെ നിങ്ങൾക്ക് BSNL ബ്രോഡ്‌ബാൻഡ് പ്ലാനുകൾ ലഭിക്കും
