രാജമൗലിയുടെ സംവിധാനത്തിൽ റാം ചരൺ, ജൂനിയർ NTR എന്നിവർ അഭിനയിച്ച RRR കാണാത്തവർ അമേരിക്കയിൽ ഇല്ലായെന്ന് ഹോളിവുഡ് താരം ജെസി ഐസൻബെർഗ്. നൗ യു സീ മീ : നൗ യു ഡോണ്ട് എന്ന തന്റെ പുതിയ ചിത്രത്തിന്റെ പ്രമോഷന്റെ ഭാഗമായി ബോംബെ ടൈംസിന് നൽകിയ അഭിമുഖത്തിൽ സംസാരിക്കുകയായിരുന്നു താരം.“അവിശ്വസനീയമായ മേക്കിങ്ങാണ് RRR ന്റേത്, മാത്രമല്ല ഹോളിവുഡിലെയും ഇന്ത്യൻ സിനിമാ നിർമ്മാണത്തിന്റെയും ശൈലിയുടെ വളരെ മികച്ച ഒരു സംയോജനവും ചിത്രത്തിനുണ്ട്. RRR കാണാത്ത അമേരിക്കക്കാർ ഇല്ല എന്ന് തന്നെ പറയാം” ജെസി ഐസൻബെർഗ് പറയുന്നു. താൻ ഇന്ത്യയിൽ ഇതുവരെ സന്ദർശിച്ചിട്ടില്ല എങ്കിലും അയൽരാജ്യമായ നേപ്പാളിൽ വന്നിട്ടുണ്ട്, ഇന്ത്യയുമായി വളരെ സാമ്യം തോന്നി നേപ്പാളിനെന്നും അദ്ദേഹം പറയുന്നുബാഹുബലി ചിത്രങ്ങൾ രാജ്യമാകെ തരംഗമായിരുന്നെങ്കിൽ RRR ഇന്ത്യൻ സിനിമയുടെ പെരുമ ലോകമെങ്ങും ചെന്നെത്തിച്ചിരുന്നു. ഇതിഹാസ സംവിധായകരായ ജെയിംസ് കാമറൂണും, സ്റ്റീഫൻ സ്പിൽബെർഗും, ഹോളിവുഡ് സൂപ്പർതാരം ക്രിസ് ഹെംസ്വർത്തും അടക്കമുള്ള പ്രമുഖരും ചിത്രത്തെ പ്രശംസകൾ കൊണ്ട് മൂടിയിരുന്നു.
നിലവിൽ മഹേഷ് ബാബു നായകനും പൃഥ്വിരാജ് സുകുമാരൻ വില്ലനുമാകുന്ന ചിത്രത്തിന്റെ ഒരുക്കങ്ങളിലാണ് രാജമൗലി. ബാഹുബലി ഒന്നും രണ്ടും ഭാഗങ്ങൾ ചേർത്തിണക്കിയ ദി എപ്പിക്ക് നിലവിൽ തിയറ്ററുകളിൽ ആവേശം സൃഷ്ട്ടിച്ചുകൊണ്ടിരിക്കുകയാണ് എന്നതും ശ്രദ്ധേയമാണ്.
Related posts:
