‘പന്ത്രണ്ട്’, ‘ലോനപ്പന്റെ മാമ്മോദീസാ’ എന്നീ ചിത്രങ്ങളുടെ എഴുത്തുകാരനും സംവിധായകനുമായ ലിയോ തദ്ദേവൂസിന്റെ പുതിയ ചിത്രം ‘ചെവിട്ടോര്മ്മ’ ഒക്ടോബറില് നടക്കുന്ന കൊറിയയിലെ ബുസാന് ഇന്റര്നാഷണല് ഫിലിം ഫെസ്റ്റിവലിലേക്ക് ഔദ്യോഗികമായി തിരഞ്ഞെടുക്കപ്പെട്ടു. വിന്ഡോ റ്റു ഏഷ്യന് സിനിമ എന്ന വിഭാഗത്തിലാണ് ചിത്രം അവിടെ പ്രദര്ശിപ്പിക്കുക. ലോകത്തിലെ തന്നെ ഏറ്റവും മികച്ച ഫെസ്റ്റിവലുകളിലൊന്നാണ് ബുസാന് ചലച്ചിത്ര മേള. ദിലീഷ് പോത്തനും പൗളി വത്സനും പ്രധാന കഥാപാത്രങ്ങളെ അവതരിപ്പിക്കുന്ന ചിത്രം നിര്മ്മിച്ചിരിക്കുന്നത് ഓസ്ട്രേലിയന് കമ്പനിയായ സ്റ്റോപ്പ് വിഞ്ചിങ് ഫിലിംസ്, ലവ്ലി ഫ്രെയിംസ്, അണ്കോംബ്ഡ് ബുദ്ധ, എസ് ഫോര് സിനിമാസ് എന്നീ ബാനറുകളിലാണ്. ക്രിയേറ്റീവ് പ്രൊഡ്യൂസര് ആയ സ്റ്റീഫന് സക്കറിയാസിന്റെ നേതൃത്വത്തില് ലോകന് രവി, സാജന് ബാലന് എന്നിവരാണ് ചിത്രത്തിന്റെ നിര്മ്മാണം. ദേശീയ, അന്തര്ദേശീയ തലങ്ങളില് ശ്രദ്ധ നേടിയ എഡിറ്റര് കാര്ലോ ഫ്രാന്സിസ്കോ മനടാഡ് (ഫ്രാന്സ്), സംഗീത സംവിധായകന് മിലാദ് മോവഹെദി (ഇറാന്) തുടങ്ങിയവര് ചിത്രത്തില് പ്രവര്ത്തിച്ചിട്ടുണ്ട്.
ജീവിതത്തിന്റെ അവസാന നിമിഷങ്ങളില് മരണകിടക്കയില് കിടക്കുന്നവര്ക്ക് അന്ത്യപ്രാര്ത്ഥനകള് ചൊല്ലി അവരെ എല്ലാ കെട്ടുപാടുകളില് നിന്നും വിടുവിച്ച് ഒരു സമാധാന മരണത്തിന് സഹായിക്കുന്ന ത്രേസ്യയും പ്രമാണിയായ പായമ്മല് വര്ക്കിച്ചനും തമ്മിലുള്ള കൂടിക്കാഴ്ചയാണ് ചിത്രത്തിന്റെ ഇതിവൃത്തം.
നേരത്തെ, എന്എഫ്ഡിസി കോ പ്രൊഡക്ഷന് മാര്ക്കറ്റ്, കാന്സ് കോ പ്രൊഡക്ഷന് ഡേ, എന്എഫ്ഡിസി വര്ക്കിങ് പ്രോഗ്രസ്സ് ലാബ് എന്നിവയിലും ചിത്രം പ്രദര്ശിപ്പിക്കുകയും ശ്രദ്ധ നേടുകയും ചെയ്തിരുന്നു.
ഛായാഗ്രഹണം: സ്വരൂപ് ശോഭ ശങ്കര്, പ്രൊഡക്ഷന് ഡിസൈനര്: ജോസഫ് നെല്ലിക്കല്, മേക്കപ്പ്: റൊണക്സ് സേവ്യര്, സൗണ്ട് ഡിസൈന്: രാജേഷ് ശശീന്ദ്രന്, മിക്സിങ്: തപസ് നായക്, കളറിസ്റ്റ്: റോബര്ട്ട് ലാങ്, കലാ സംവിധാനം: റോസ്മി അനുമോദ്, വസ്ത്രാലങ്കാരം: രഞ്ജിനി മേരി റെജി, എക്സിക്യൂട്ടീവ് പ്രൊഡ്യൂസര്: നോബിന് കുര്യന്, പിആര്ഒ : ശബരി
Related posts:
‘ചേട്ടാ ഞാൻ ഒച്ചയെടുത്തത് മോശമായി പോയോ’ എന്ന് ചന്തു എന്നോട് ചോദിച്ചു; ഇത് എല്ലാ മര്യാദകളുടെയും അപ്പുറമാണ്’
