മൾട്ടിസ്റ്റാർ താരനിരയുമായി ഏറെ നാളായി പ്രേക്ഷകർ കാത്തിരുന്ന ‘ഖജുരാഹോ ഡ്രീംസ്’ നാളെ തിയേറ്ററുകളിൽ റിലീസ് ചെയ്യും. അർജുൻ അശോകൻ, ഷറഫുദ്ദീൻ, ശ്രീനാഥ് ഭാസി, ധ്രുവൻ തുടങ്ങിയ യുവതാരങ്ങൾ പ്രധാന വേഷങ്ങളിൽ എത്തുന്ന ഈ ചിത്രം ഒരു റോഡ് മൂവി–കോമഡി–ഡ്രാമ വിഭാഗത്തിലാണ്. നോജ് വാസുദേവ് സംവിധാനം ചെയ്ത ചിത്രത്തിന് തിരക്കഥ ഒരുക്കിയത് സെതുവാണ്. സുഹൃത്തുക്കളുടെ ഒരു അപ്രതീക്ഷിത യാത്രയും അതിലൂടെ സംഭവിക്കുന്ന രസകരവും വികാരാഭരിതവുമായ സംഭവവികാസങ്ങളുമാണ് സിനിമയുടെ പ്രമേയം. കേരളത്തിൽ നിന്ന് ആരംഭിച്ച് മധ്യപ്രദേശിലെ ഖജുരാഹോവിലെത്തുന്ന നീണ്ട റോഡ്–ട്രിപ്പ് ആണ് കഥയുടെ പശ്ചാത്തലം.
ഗോപി സുന്ദറാണ് ചിത്രത്തിന്റെ സംഗീത സംവിധാനം നിര്വഹിച്ചിരിക്കുന്നത്. വയനാട്, മൈസൂര്, ഹുബ്ലി, നാസിക്, ഖജുറാഹോ എന്നിവിടങ്ങളിലെ വിവിധ ലൊക്കേഷനുകളിലാണ് സിനിമയുടെ ചിത്രീകരണം നടത്തിയത്. യുനെസ്കോ പൈതൃക സ്ഥലമായ ഖജുരാഹോ ടെംപിള്സില് ചിത്രീകരിക്കുന്ന ആദ്യ മലയാള സിനിമ എന്ന പ്രത്യേകതയും ഖജുരാഹോ ഡ്രീംസിനുണ്ട്. മുന്പ് റിലീസ് തീയതി പലതവണ മാറ്റിവച്ചിരുന്നു. ചിത്രത്തിന്റെ ടിക്കറ്റ് വില്പന ആരംഭിച്ചിട്ടുണ്ട്.
Related posts:
പക്ഷിയിടിച്ചു; ലാൻഡിങ്ങിനിടെ വിമാനം തകർന്നു, 29 മരണം
