കുട്ടികളിലെ മയക്കുമരുന്നു ഉപയോഗം ഇന്നത്തെ കാലഘട്ടത്തില് വലിയൊരു സാമൂഹിക വിപത്തായി മാറിയിരിക്കുകയാണ്. കേരളത്തില് കുട്ടികളിലെ മയക്കുമരുന്ന് ഉപയോഗം വര്ധിച്ചുവരികയാണ്. പേടി പെടുത്തുന്ന തരത്തിലുള്ള കുറ്റ കൃത്യങ്ങളിലേക്കാണ് ഇത് വിരല് ചൂണ്ടുന്നത്.ഒരു വീട്ടമ്മ എന്ന നിലയിലും അമ്മ എന്ന നിലയിലും ആശങ്കകള് അകലെ അല്ല എനിക്ക്.
ലഹരി വസ്തുക്കളുടെ ഉപയോഗം മസ്തിഷ്ക്കത്തെ ഭീകരമായി ബാധിക്കുന്നു, ആശ്രിതത്വം ഉണ്ടാകുന്നു, പഠനനിലവാരത്തെയും ബാധിക്കുന്നു. പ്രത്യേകിച്ച് കൗമാരക്കാരായ കുട്ടികളിലെ സ്വഭാവം, പെരുമാടറ്റം എന്നിവയിലുള്ള പ്രകടമായ മാറ്റങ്ങള് നമ്മള് മുതിര്ന്നവര് ശ്രദ്ധിക്കേണ്ടിയിരിക്കുന്നു. ശരീരികമായ മാറ്റങ്ങളായ മനോവിഷമം, ഉറക്കമില്ലായിമ, ശരീരഭാരം കുറയുന്നത്, സ്കൂള് /കോളേജ് സ്ഥിരമായി ആബ്സെന്റ് ആകുന്നത്, ഇതെല്ലാം ലക്ഷണങ്ങള് ആയേക്കാം.
മയക്കുമരുന്നിന്റെ ഉപയോഗം തടയാനായി നമുക്ക് കുട്ടികളോട് നേരിട്ട് സംസാരിക്കാം, മാറ്റങ്ങള് നിരീക്ഷിക്കാം, എന്ത് പ്രശ്നത്തിലും കൂടെ ഉണ്ടെന്നു പിന്തുണ കൊടുക്കാം, വൈദ്യസഹായമോ കൗണ്സിലിംഗ് സഹായമോ കൊടുക്കാവുന്നതാണ്. മയക്കുമരുന്നിന്നെതിരെ സര്ക്കാര് തലത്തില് ജനകീയ സമരം ശക്തിപ്പെടുത്തുന്നുണ്ട്. മയക്കുമരുന്ന് വിപണനം നടത്തുന്നവരെ കര്ശനനിയമ നടപടിക്കു വിധേയരാക്കുവാനും, അടിമപ്പെട്ടവര്ക്ക് മികച്ച ചികിത്സയും പുനരധിവാസ പദ്ധതികള് നടപ്പിലാക്കാനും സര്ക്കാര് ലക്ഷ്യമിടുന്നു.
നമ്മുടെ കുട്ടികളിലെ മയക്കു മരുന്ന് ഉപയോഗം തിരിച്ചറിയേണ്ടത് നമ്മള് തന്നെ ആണ്.മക്കള്ക്ക് ശത്രുക്കളാകാതെ സുഹൃത്തുകളാകാന് ശ്രമിച്ചാല് മയക്കുമരുന്ന് പോലുള്ള മഹാവിപത്തിലേക്ക് നമ്മുടെ കുഞ്ഞുങ്ങള് അടിമപെടാതിരിക്കും.
- സുജിത ടി എസ് (വീട്ടമ്മ)
