കോൺഗ്രസ് വയനാട്ടിലെ ദുരിതബാധിതർക്ക് നിർമ്മിച്ചു നൽകുന്ന വീടുകളുടെ തറക്കല്ലിടൽ ഈ മാസം 26ന്. രാഹുൽഗാന്ധി ഉദ്ഘാടനം ചെയ്യും. ഉച്ചയ്ക്ക് രണ്ടരയാണ് ചടങ്ങ് നടക്കുക. തുടക്കത്തിൽ ആരംഭിക്കുന്നത് 50 വീടുകളുടെ നിർമ്മാണം നടക്കുമെന്ന് കെപിസിസി അധ്യക്ഷൻ സണ്ണി ജോസഫ് വ്യക്തമാക്കി.
ഒരു വീടിന് 1100 സ്ക്വയർ ഫീറ്റ്. സാങ്കേതിക കാരണങ്ങൾ പറഞ്ഞ് സർക്കാർ ഒഴിവാക്കിയ ആളുകൾ ആയിരിക്കും ഗുണഭോക്താക്കൾ. ദുരന്തത്തിൽപ്പെട്ട കച്ചവട സ്ഥാപനങ്ങളുടെ ഉടമകൾക്ക് 5 ലക്ഷം രൂപ വീതം ധനസഹായം നൽകും. മേപ്പാടി പഞ്ചായത്തിലെ കുന്നംപറ്റത്താണ് വീടുകൾ നിർമ്മിക്കുന്നത്.
ഏഴാം ചിറയിൽ അഞ്ചേക്കർ സ്ഥലം കൂടി കെപിസിസി കണ്ടത്തി. എത്രയും പെട്ടെന്ന് 50 വീടുകളുടെ നിർമ്മാണം പൂർത്തിയാക്കാൻ ആണ് ശ്രമിക്കുന്നത്. ആറുമാസം കൊണ്ട് വീടുകൾ പൂർത്തിയാക്കാൻ ആകുമെന്നാണ് പ്രതീക്ഷിക്കുന്നതെന്നും സണ്ണി ജോസഫ് വ്യക്തമാക്കി.
പി കെ പി കെ ശശിയുമായി ചർച്ച നടത്തി. ശശിയുമായി ബന്ധപ്പെടുന്നുണ്ട്. ശശി മാത്രമല്ല പലരും തങ്ങളെ ബന്ധപ്പെടുന്നുണ്ട്. സിപിഐഎമ്മിന് അകത്തുനിന്ന് കൂടുതൽ ആളുകൾ പുറത്തുവരുമെന്നും സണ്ണി ജോസഫ് കൂട്ടിച്ചേർത്തു.
Related posts:
