തിരുവനന്തപുരം: സംസ്ഥാനത്ത് തുടരുന്ന വൈദ്യുതി മുടക്കിനെതിരെ വ്യത്യസ്ത പ്രതിഷേധ പരിപാടിയുമായി ഡിവൈഎഫ്ഐ രംഗത്ത്. വൈദ്യുതി പ്രതിസന്ധിയിലും ജനങ്ങള് അനുഭവിക്കുന്ന ദുരിതങ്ങളിലും പ്രതിഷേധം രേഖപ്പെടുത്തുന്നതിനായി ഡിവൈഎഫ്ഐ തിരുവേഗപ്പുറ മേഖല കമ്മിറ്റിയാണ് ‘പവര് കട്ട് ഒളിമ്പിക്സ് 2026’ എന്ന പേരില് വ്യത്യസ്ത പ്രതിഷേധ പരിപാടി സംഘടിപ്പിക്കുന്നത്. പരിപാടിയുടെ ഫസ്റ്റ് ലുക്ക് പോസ്റ്റര് പുറത്തിറക്കി.
വൈദ്യുതി മുടക്കം മൂലം സാധാരണ ജനങ്ങള് നേരിടുന്ന ബുദ്ധിമുട്ടുകള് സമൂഹത്തിന്റെ ശ്രദ്ധയില്പ്പെടുത്തുകയും അതിനെതിരെ ശക്തമായ പൊതുജനാഭിപ്രായം രൂപപ്പെടുത്തുകയുമാണ് പരിപാടിയുടെ ലക്ഷ്യം. പരിപാടിയില് വൈദ്യുതി മുടക്കിനെ ആസ്പദമാക്കി നര്മ്മവും ആക്ഷേപഹാസ്യവും ഉള്പ്പെടുന്ന വിവിധ മത്സരങ്ങളും സംഘടിപ്പിക്കും.
മത്സരങ്ങളുടെ തീയതി, വിഭാഗങ്ങള്, നിയമങ്ങള് എന്നിവ ഉള്പ്പെടെയുള്ള വിശദാംശങ്ങള് ഉടന് പ്രഖ്യാപിക്കുമെന്ന് ഡിവൈഎഫ്ഐ തിരുവേഗപ്പുറ മേഖല കമ്മിറ്റി അറിയിച്ചു. സംസ്ഥാനത്ത് തുടരുന്ന വൈദ്യുതി പ്രതിസന്ധിക്ക് അടിയന്തരവും ശാശ്വതവുമായ പരിഹാരം കാണാന് ബന്ധപ്പെട്ട അധികാരികള് തയ്യാറാകണമെന്നും ഡിവൈഎഫ്ഐ തിരുവേഗപ്പുറ മേഖല കമ്മിറ്റി ആവശ്യപ്പെട്ടു.
Related posts:
അതിജീവിതയോട് പോലീസുദ്യോഗസ്ഥൻ മോശമായി പെരുമാറിയെന്ന പരാതിയിൽ അന്വേഷണത്തിന് മനുഷ്യാവകാശ കമ്മീഷൻ ഉത്തരവ്
ഫ്ളോട്ടിന് മുന്നില് ഡാന്സ് കളിക്കുന്നതിനിടെ കാലില് ചവിട്ടി; 19 കാരനെ കുത്തിക്കൊലപ്പെടുത്തി യുവാക്കള്
