തിരുവനന്തപുരം: തിരുവനന്തപുരത്ത് ബൈക്കുകള് കൂട്ടിയിടിച്ചുണ്ടായ അപകടത്തില് യുവാവിന് ദാരുണാന്ത്യം. ആര്യനാട് പള്ളിവേട്ട പത്മവിലാസത്തില് ഗോപന്റെയും സജിതാ റാണിയുടെയും മകന് അതുല് കൃഷ്ണന്(21) ആണ് മരിച്ചത്.അമ്മ ആശയ്ക്ക് ഗുരുതരമായി പരിക്കേറ്റു.
കാട്ടാക്കട-പൂവച്ചല് റോഡില് നക്രാംചിറയ്ക്കടുത്തുള്ള വളവില് ഞായറാഴ്ച ഉച്ചയ്ക്ക് 1.30-ഓടെയാണ് അപകടം നടന്നത്. അപകടത്തില് അതുലിന്റെ അമ്മയ്ക്ക് നട്ടെല്ലിനും കൈകാലുകള്ക്കും ഗുരുതര പരിക്കേറ്റിട്ടുണ്ട്.
അമ്മയുമായി സ്കൂട്ടറില് സഞ്ചരിക്കുകയായിരുന്നു അതുല്. പെട്ടെന്ന് അമിത വേഗത്തിലെത്തിയ ബൈക്ക് സ്കൂട്ടറില് ഇടിക്കുകയായിരുന്നു. അതുലിന്റെ അമ്മ സജിതാ റാണി കാട്ടാക്കടയിലെ സ്വകാര്യ ആശുപത്രിയില് ചികിത്സയില് തുടരുകയാണ്.
Related posts:
വയനാട്ടില് കാറിന് തീപിടിച്ച് ഒരാള് മരിച്ചു; ഭാര്യയും മൂന്നു കുട്ടികളും പൊള്ളലേറ്റ് ചികിത്സയില്
