തൃശൂര്: മുണ്ടത്തിക്കോട് ദുരന്തത്തിന്റെ പശ്ചാത്തലത്തില് കരിമരുന്ന് പ്രയോഗത്തിന്റെ മാസ്മരികത ഇല്ലാതെ ഒറ്റ കതിനയിലൊതുക്കി തൃശൂര് പൂരം ‘സാമ്പിള് വെടിക്കെട്ട്’. വെടിക്കെട്ട് പൂര്ണമായും ഉപേക്ഷിക്കാന് പാറമേക്കാവ്, തിരുവമ്പാടി ദേവസ്വങ്ങള് തീരുമാനിച്ചതിനെ തുടര്ന്നായിരുന്നു ഇത്.അതേസമയം ആചാരത്തിന്റെ ഭാഗമായാണ് കതിന പൊട്ടിച്ചത്. ഇന്നലെയായിരുന്നു സാമ്പിള് വെടിക്കെട്ട് നടക്കേണ്ടിയിരുന്നത്. രാത്രി 7ന് പാറമേക്കാവും 7.30ന് തിരുവമ്പാടിയുമായിരുന്നു തീ കൊളുത്തേണ്ടിയിരുന്നത്. അതിന്റെ പശ്ചാത്തലത്തില് പാറമേക്കാവ് വിഭാഗം വെടിക്കെട്ടുപുരയ്ക്കടുത്തും തിരുവമ്പാടി ശ്രീമൂല സ്ഥാനത്തിനടുത്തുമാണ് കതിന പൊട്ടിച്ചത്.ഇരുവിഭാഗങ്ങളും ആകാശച്ചെരുവില് വര്ണ്ണവിസ്മയം തീര്ക്കുന്ന ദിവസം നഗരം ആളൊഴിഞ്ഞു കിടന്നു. പാറമേക്കാവിന്റെ മണികണ്ഠനാല്പ്പന്തല് ദീപാലംകൃതമാക്കിയതൊഴിച്ചാല് ആഘോഷങ്ങളെല്ലാം ഒഴിവാക്കിയിരുന്നു. ദുഖാചരണം കാരണം തിരുവമ്പാടിയുടെ പൂരപ്പന്തലുകളില് ഇന്നു വൈകീട്ടേ അലങ്കാരവിളക്കുകള് തെളിയിക്കൂ.
Related posts:
കേരളം വിധിയെഴുതുന്നു, വോട്ടെടുപ്പ് തുടങ്ങി; ജനാധിപത്യത്തെ വിജയിപ്പിക്കണമെന്ന് വിഡി സതീശന്
കണ്ണൂരില് ബിജെപിക്കാരന്റെ വീടിന് നേരെ ബോംബേറ്; ആക്രമണം നടത്തിയത് മുഖംമൂടി ധരിച്ചെത്തിയവര്
‘ദുരന്ത ബാധിതര്ക്കായി പിരിച്ച ഫണ്ടിന്റെ കണക്കു പുറത്തുവിടണം’; രാഹുല് ഗാന്ധിക്ക് കത്തയച്ച് സന്തോഷ് കുമാര് എംപി
ഡിവൈഎഫ്ഐ നല്കിയ രണ്ട് കോടിയുടെ പലിശ എവിടെ, 778 കോടി കൊണ്ട് സര്ക്കാര് എന്തു ചെയ്തു’; ചോദ്യങ്ങളുമായി രാഹുല് മാങ്കൂട്ടത്തില്
