കൊല്ലം: കൊല്ലത്ത് വാഹനാപകടത്തില് 14കാരന് ദാരുണാന്ത്യം. അയത്തില് സ്വദേശി സല്മാന് ഫാരിസ് ആണ് മരിച്ചത്.അമ്മയ്ക്കൊപ്പം സ്കൂട്ടറില് പോവുകയായിരുന്ന കുട്ടിയാണ് അപകടത്തില്പ്പെട്ടത്. ഇരുവരും സഞ്ചരിച്ച സ്കൂട്ടറില് ടിപ്പര് ലോറി ഇടിച്ചാണ് അപകടം ഉണ്ടായത്. റോഡിലേക്ക് തെറിച്ചുവീണ കുട്ടിയുടെ ശരീരത്തിലൂടെ ടിപ്പര് ലോറി കയറി ഇറങ്ങുകയായിരുന്നു.കൊല്ലം പാല്കുളങ്ങരയ്ക്ക് സമീപത്താണ് അപകടം. ലോറിയെ മറികടക്കാന് ശ്രമിക്കുന്നതിനിടെ എതിരെ വന്ന ഇരുചക്രവാഹനത്തില് തട്ടി നിയന്ത്രണം നഷ്ടപ്പെട്ട് സ്കൂട്ടര് ലോറിക്ക് അടിയിലേക്ക് വീഴുകയായിരുന്നുവെന്ന് പൊലീസ് പറഞ്ഞു. മൃതദേഹം ആശുപത്രിയിലേക്ക് മാറ്റി.അമ്മ എതിര് ഭാഗത്തേക്കും മകന് ലോറിക്ക് അടിയിലേക്കുമാണ് വീണത്. ദേശീയപാത നിര്മ്മാണം നടക്കുന്നതിനാല് വാഹനങ്ങള് പല റോഡുകളിലൂടെ വഴി തിരിച്ചാണ് കടത്തി വിടുന്നത്. വീതി കുറവുള്ള റോഡിലാണ് അപകടം ഉണ്ടായത്.
Related posts:
ഉറക്കത്തിൽ മൂര്ഖന്റെ കടിയേറ്റു; ചിറയിന്കീഴിൽ എട്ടു വയസ്സുകാരൻ മരിച്ചു
