ഭീതി പടര്ത്തി കോഴിക്കോട് വീണ്ടും ഷി?ഗെല്ല വ്യാപനം. പനിയും ഛര്ദിയും വയറളിക്കവും പടര്ന്നതിനിടെ ചികിത്സയിലുണ്ടായിരുന്ന കോളിയാടി മാര് ബസേലിയോസ് എയുപി സ്കൂളിലെ മൂന്നുറിലധികം കുട്ടികളില് രണ്ടു പേര്ക്ക് ഷിഗെല്ല സ്ഥിരീകരിച്ചതോടെ ആശങ്കയിലാണ് നാട്. സൂക്ഷിച്ചില്ലെങ്കില് മരണം വരെ സംഭവിക്കാവുന്ന രോ?ഗത്തിന് പിന്നില് ഷി?ഗെല്ല വിഭാഗത്തില്പ്പെടുന്ന ബാക്ടീരിയകളാണ്. ഇത് ഷിഗല്ലോസിസ് എന്ന അണുബാധ കുടലിനുണ്ടാക്കും.
വയറിളക്കമാണ് പ്രധാന ലക്ഷണം. ചികിത്സ വൈകിയാല് രോ?ഗാവസ്ഥ ?ഗുരുതരമാകും. മലിനജലത്തിലൂടെയും പഴകിയതും കേടായതുമായ ഭക്ഷണത്തിലൂടെയുമാണ് ബാക്ടീരിയ പകരുന്നത്. ഇത് ഒരാളില് നിന്ന് മറ്റൊരാളിലേക്ക് പകരുന്നതാണ്. കുട്ടികളിലും പ്രതിരോധശേഷി കുറഞ്ഞവരിലുമാണ് ഷി?ഗെല്ല ?ഗുരുതരമാകുന്നത്. രോഗം ബാധിച്ചാല് കുട്ടികളില് വളരെ പെട്ടന്ന് നിര്ജലീകരണമുണ്ടായി അപകടാവസ്ഥയിലാകാന് സാധ്യതയുണ്ട്. രോഗികളുടെ വിസര്ജ്യവുമായി നേരിട്ടോ പരോക്ഷമായോ സമ്പര്ക്കമുണ്ടായാല് രോ?ഗ വളരെ പെട്ടെന്ന് വ്യാപിക്കും.
ഷിഗെല്ല രോഗം ബാധിച്ചയാളുമായി സമ്പര്ക്കത്തില് വന്നാല് ഒന്നോ രണ്ടോ ദിവസങ്ങള്ക്ക് ശേഷം രോഗലക്ഷണം ആരംഭിക്കും. ഒരാഴ്ചവരെ സമയമെടുത്താണ് അപകടകരമായ രീതിയില് ഇവ പെരുകുക. രോഗബാധയുള്ളവര് പാകം ചെയ്യുന്ന ഭക്ഷണം കഴിക്കുന്നതിലൂടെയും രോഗം പകരാം. വ്യക്തിശുചിത്വവും പരിസരശുചിത്വവും പാലിക്കുകയെന്നതാണ് രോഗത്തെ അകറ്റിനിര്ത്താനുള്ള വഴി. നിപ പോലെ വ്യാപിക്കാനും സാധ്യതയുള്ളതായാണ് ആരോഗ്യവകുപ്പിന്റെ മുന്നറിയിപ്പ്.
വയറിളക്കം, രക്തവും പഴുപ്പും കലര്ന്ന മലം, അടിവയറ്റിലെ വേദന, പനി, ഛര്ദ്ദി, നിര്ജലീകരണം എന്നിവയാണ് പ്രധാന ലക്ഷണങ്ങള്. അതേസമയം ഷി??ഗെല്ല ബാക്ടീരിയ ബാധിച്ചാലും ചില കുട്ടികളില് ലക്ഷണങ്ങള് കാണില്ല. പക്ഷേ, അവരുടെ മലത്തിലൂടെ ബാക്ടീരിയ പുറത്തുവരുന്നതിനാല് രോഗം മറ്റുള്ളവര്ക്ക് പകരാന് സാധ്യതയുണ്ട്. കൃത്യസമയത്ത് ചികിത്സ നല്കിയില്ലെങ്കില് രോഗം തലച്ചോറിനെയും വൃക്കയെയും ബാധിച്ച് മരണംവരെ സംഭവിക്കാം.
മുട്ട, ഇറച്ചി, പാല്, മത്സ്യം എന്നിവ ഉപയോഗിക്കുമ്പോള് ജാഗ്രത പുലര്ത്തണം. ശീതീകരിച്ച് സൂക്ഷിക്കുന്ന ഭക്ഷ്യവസ്തുക്കളില് ബാക്ടീരിയ കൂടുതല് കാലം ജീവിക്കും. രോഗലക്ഷണങ്ങള് പ്രത്യക്ഷപ്പെട്ടാല് നിര്ജലീകരണം തടയുന്നതിന് ഉപ്പിട്ട കഞ്ഞിവെള്ളം, നാരങ്ങാവെള്ളം, ഒആര്എസ് ലായനി എന്നിവ കുടിക്കണം. സ്വയം ചികിത്സ നടത്താതെ ആരോഗ്യകേന്ദ്രത്തില് ചികിത്സ തേടണം.
മുന്കരുതലാണ് പ്രധാനം, ഷിഗെല്ലയ്ക്കെതിരെ വീട്ടില് ചെയ്യേണ്ട കാര്യങ്ങള്
ഭക്ഷണം പൂര്ണമായുംവേവിച്ച് മാത്രം കഴിക്കുക.
തിളപ്പിച്ചാറിയ വെള്ളം മാത്രം ഉപയോഗിക്കുക.
വീട്ടിലുണ്ടാക്കുന്ന ആഹാരം കഴിക്കുക.
പഴകിയ ആഹാരം കഴിക്കരുത്.
ആഹാരസാധനങ്ങള് അടച്ചു സൂക്ഷിക്കുക, ഈച്ച പോലുള്ള പ്രാണികളുടെ സമ്പര്ക്കം ഒഴിവാക്കുക.
പഴങ്ങളും പച്ചക്കറികളും നന്നായി കഴുകി ഉപയോഗിക്കണം.
മുട്ട പുഴുങ്ങുന്നതിന് മുമ്പ് നന്നായി കഴുകുക.
ഭക്ഷണത്തിനു മുമ്പും മലമൂത്രവിസര്ജനത്തിനു ശേഷവും കൈകള് സോപ്പ് ഉപയോഗിച്ച് കഴുകുക.
വ്യക്തിശുചിത്വം, ആഹാരശുചിത്വം, പരിസരശുചിത്വം എന്നിവ പാലിക്കുക
രോഗത്തിന് ചികിത്സ തേടുക
വയറിളക്കം ഉണ്ടായാല് ഉടന് ഒആര്എസ് ലായനി, ഉപ്പിട്ട കഞ്ഞിവെള്ളം, കരിക്കിന് വെള്ളം മുതലായവ കുടിക്കുക.
കുടിവെള്ളസ്രോതസ്സുകള് സമയാസമയങ്ങളില് ക്ലോറിനേറ്റ് ചെയ്യണം.
