തിരുവനന്തപുരം: വര്ഷത്തില് അഞ്ചോ അതിലധികമോ ഗതാഗത നിയമലംഘനം നടത്തുന്ന ഡ്രൈവര്മാരുടെ ലൈസന്സ് റദ്ദാക്കുന്നതുമായി ബന്ധപ്പെട്ട നടപടികളുമായി മോട്ടോര് വാഹന വകുപ്പ്. വിഷയത്തില് കടുത്ത എതിര്പ്പ് ഉയര്ന്ന സാഹചര്യത്തില് കേന്ദ്ര മോട്ടോര് വാഹന നിയമത്തില് പരിഷ്ക്കരണം വരുത്തിയാകും നിയമം നടപ്പിലാക്കുക. പത്തോ അധിലധികമോ നിയമലംഘനം നടത്തിയ ആളുടെ ലൈസന്സ് റദ്ദാക്കും എന്ന രീതിയിലേക്ക് പരിഷ്ക്കരണം വരുത്തും. ഇത് സംബന്ധിച്ച റിപ്പോര്ട്ട് മോട്ടോര് വാഹന വകുപ്പ് സര്ക്കാരിന് ഉടന് സമര്പ്പിക്കും.
എന്നാല് ചരക്ക് ലോറികള്,ബസുകള് എന്നിവയിലാണ് കൂടുതല് നിയമലംഘനങ്ങള് നടക്കുന്നത്. അവയെ നിയന്ത്രിക്കാന് കര്ശനമായി നിയമങ്ങള് നടപ്പാക്കണമെന്നും മോട്ടോര് വാഹന വകുപ്പിന്റെ റിപ്പോര്ട്ടില് ഉണ്ടെന്നാണ് സൂചന. രാജ്യത്താകെ ജനുവരി 1 മുതല് പുതിയ നിയമം പ്രാബല്യത്തിലായിട്ടുണ്ട്.എന്നാല് നിയമഭേദഗതി അതേപടി സംസ്ഥാനത്ത് നടപ്പാക്കില്ലെന്ന് മന്ത്രി കെ.ബി. ഗണേഷ് കുമാര് വ്യക്തമാക്കിയിരുന്നു.
മന്ത്രിയുടെ പ്രസ്താവനയ്ക്ക് പിന്നാലെയാണ് വകുപ്പ് പുതിയ നീക്കം നടത്തുന്നത്.ഇതുമായി ബന്ധപ്പെട്ട നിര്ദേശം മന്ത്രിയില് നിന്ന് മോട്ടോര് വാഹന വകുപ്പിന് നല്കിയിരുന്നു. സാധാരണക്കാര്ക്ക് ബുദ്ധിമുട്ട് ഉണ്ടാക്കാത്ത രീതിയില് മാത്രമേ നിയമങ്ങള് നടപ്പിലാക്കൂകയുള്ളു എന്നും കേന്ദ്ര മോട്ടോര് വാഹന ഭേദഗതികള് എങ്ങനെ ലഘൂകരിക്കാം എന്നതിനെ കുറിച്ച് പഠിച്ചു, ചര്ച്ച ചെയ്തു മാത്രമേ നടപടി സ്വീകരികയുള്ളു എന്നും മന്ത്രി വ്യക്തമാക്കിയിരുന്നു.
ഒരു വര്ഷത്തില് തുടര്ച്ചയായി അഞ്ച് നിയമലംഘനങ്ങള് നടത്തിയാല് വാഹന ഉടമയുടെ ഡ്രൈവിംഗ് ലൈസന്സ് റദ്ദാക്കാനും ആവര്ത്തിച്ച് നിയമം ലംഘിക്കുന്ന വാഹനങ്ങളെ കരിമ്പട്ടികയില് പെടുത്താനും കോടതിയുടെ അനുമതിയോടെ കസ്റ്റഡിയിലെടുക്കാനും മോട്ടോര് വാഹന വകുപ്പിന് സാധിക്കുന്നതായിരുന്നു പുതിയ ഭേദഗതി.
Related posts:
