ഇന്ത്യൻ ഓയിൽ കോർപ്പറേഷൻ ലിമിറ്റഡിന്റെ (IOCL) അപ്രന്റിസ് തസ്തികകളിൽ നിയമനം നടത്തുന്നു. അകെ 433 ഒഴിവുകളാണ് ഉള്ളത്. ട്രേഡ്, ടെക്നീഷ്യൻ, ഗ്രാജ്വേറ്റ് അപ്രന്റിസ് തസ്തികകളിൽ ആണ് നിയമനം. നോർതേൺ റീജിയണിൽ ആണ് നിയമനം ലഭിക്കുക. അപേക്ഷകൾ സമർപ്പിക്കേണ്ട അവസാന തീയതി സെപ്റ്റംബർ 06.തസ്തികകളും യോഗ്യതയും
ട്രേഡ് അപ്രന്റിസ്: ഫിറ്റർ, ഇലക്ട്രീഷ്യൻ, ഇലക്ട്രോണിക്സ് മെക്കാനിക്, ഇൻസ്ട്രുമെന്റ് മെക്കാനിക്, മെഷിനിസ്റ്റ് തുടങ്ങിയ വിഭാഗങ്ങളിലാണ് അവസരങ്ങൾ. ബന്ധപ്പെട്ട ട്രേഡിൽ രണ്ടുവർഷത്തെ ഐ.ടി.ഐ പാസായിരിക്കണം.
ടെക്നീഷ്യൻ അപ്രന്റിസ്: മെക്കാനിക്കൽ, ഇലക്ട്രിക്കൽ, ഇൻസ്ട്രുമെന്റേഷൻ, സിവിൽ, ഇലക്ട്രിക്കൽ ആൻഡ് ഇലക്ട്രോണിക്സ്, ഇലക്ട്രോണിക്സ് വിഭാഗങ്ങളിലാണ് അവസരങ്ങൾ. ബന്ധപ്പെട്ട വിഷയത്തിൽ മൂന്നുവർഷത്തെ റെഗുലർ ഡിപ്ലോമയും പാസായിരിക്കണം.ഗ്രാജ്വേറ്റ് അപ്രന്റിസ്: BBA, BA, B.Com, B.Sc. ഉൾപ്പെടെ ഏതെങ്കിലും വിഷയത്തിലുള്ള റെഗുലർ ബിരുദം യോഗ്യത
ഡാറ്റ എൻട്രി ഓപ്പറേറ്റർ: പ്ലസ് ടു പാസായവർക്കും അവസരമുണ്ട്. ഗ്രാജുവേഷൻ പൂർത്തിയാക്കിയവർക്ക് ഈ വിഭാഗത്തിൽ അപേക്ഷിക്കാനാകില്ല. സ്കിൽ സർട്ടിഫിക്കറ്റ് ഹോൾഡർ വിഭാഗത്തിന് നാഷണൽ സ്കിൽ ക്വാളിഫിക്കേഷൻസ് ഫ്രെയിംവർക് അംഗീകരിച്ച സ്ഥാപനത്തിൽ നിന്നുള്ള ഡൊമസ്റ്റിക് ഡാറ്റ എൻട്രി ഓപ്പറേറ്റർ സ്കിൽ സർട്ടിഫിക്കറ്റും ആവശ്യമാണ്.പ്രായപരിധി
അപേക്ഷകന്റെ പ്രായം 18നും 24നും ഇടയിൽ ആയിരിക്കണം. SC/ST വിഭാഗക്കാർക്ക് അഞ്ച് വർഷവും OBC-NCL വിഭാഗക്കാർക്ക് മൂന്ന് വർഷവും വയസ്സിളവുണ്ട്. PwBD വിഭാഗക്കാർക്കും നിയമാനുസൃത വയസ്സിളവ് ലഭിക്കും.തെരഞ്ഞെടുപ്പ്
ഉദ്യോഗാർത്ഥികളെ തെരഞ്ഞെടുക്കാനായി എഴുത്തുപരീക്ഷയോ അഭിമുഖമോ ഉണ്ടായിരിക്കില്ല. യോഗ്യതാ പരീക്ഷയിൽ നേടിയ മാർക്കിന്റെ അടിസ്ഥാനത്തിൽ മെറിറ്റ് ലിസ്റ്റ് തയ്യാറാക്കിയാണ് തിരഞ്ഞെടുപ്പ്. ഷോർട്ട്ലിസ്റ്റ് ചെയ്യുന്നവർ ഡോക്യുമെന്റ് വെരിഫിക്കേഷനും പ്രീ-എൻഗേജ്മെന്റ് മെഡിക്കൽ ഫിറ്റ്നസ് പരിശോധനയ്ക്കും വിധേയരാകണം.അപേക്ഷിക്കേണ്ട വിധം
ട്രേഡ്, ഡാറ്റ എൻട്രി ഓപ്പറേറ്റർ വിഭാഗങ്ങളിലേക്ക് NAPS പോർട്ടലിലൂടെയും, ഡിപ്ലോമ, ഗ്രാജ്വേറ്റ് അപ്രന്റിസ് വിഭാഗങ്ങളിലേക്ക് NATS പോർട്ടലിലൂടെയും രജിസ്റ്റർ ചെയ്ത് അപേക്ഷിക്കണം. തുടർന്ന് വിജ്ഞാപനത്തിൽ നൽകിയിരിക്കുന്ന Microsoft Form-ലും വിവരങ്ങൾ സമർപ്പിക്കണം.
Related posts:
ഹാർബർ എഞ്ചിനീയറിങ് വകുപ്പിൽ ഒരു വർഷത്തെ ഇന്റേൺഷിപ്പ്; അപേക്ഷ ക്ഷണിച്ചു
ഹെൽപ്പർ മുതൽ പ്രിൻസിപ്പൽ വരെ,സർക്കാർ സ്ഥാപനത്തിൽ ജോലി നേടാം; നേരിട്ട് നിയമനം
പത്താം ക്ലാസ് കഴിഞ്ഞോ?, കടൽമേഖലയിൽ കരിയർ തുടങ്ങാം; കേരളത്തിലും പഠിക്കാം
30 മാർക്ക് നേടാത്ത കുട്ടികൾക്ക് പഠന പിന്തുണയും പരീക്ഷയും ഈ മാസം, അഞ്ച് മുതൽ എട്ട് വരെയുള്ള ക്ലാസുകളിൽ നിലവാരം ഉയർത്താൻ പദ്ധതിയുമായി വിദ്യാഭ്യാസ വകുപ്പ്
