ഡൽഹിയിൽ ചേരുന്ന ജി 20 ഉച്ചകോടിയിൽ ചൈനീസ് പ്രസിഡന്റ് പങ്കെടുക്കില്ല. ചൈനയെ പ്രതിനിധീകരിച്ച് പ്രധാനമന്ത്രി ലി ക്വിയാങ് ആയിരിക്കും ഉച്ചകോടിയിൽ പങ്കെടുക്കാൻ സാധ്യത. ഷി ജീൻപിങ്ങ് പങ്കെടുക്കില്ലെന്ന കാര്യം ചൈനീസ് എംബസി വൃത്തങ്ങളാണ് അറിയിച്ചത്.
ചൈന ഇന്ത്യയുടെ അതിർത്തി പ്രദേശങ്ങൾ ഉൾപ്പെടുത്തി 2023 ലെ ഭൂപടം പുറത്തിറക്കിയതിൽ രാജ്യം അറിയച്ച കടുത്ത പ്രതിഷേധവും നാളെ മുതൽ 10 ദിവസം വരെ പാകിസ്ഥാൻ ചൈന അതിർത്തികളിൽ ഇന്ത്യൻ വ്യോമസേന നടത്താനിരിക്കുന്ന സൈനിക അഭ്യാസവും ചൈനയെ അസ്വസ്ഥമാക്കിയിട്ടുണ്ട്. ഈ സാഹചര്യത്തിൽ കൂടിയാണ് ഡൽഹിയിൽ ചേരുന്ന ജി20 ഉച്ചകോടിയിൽ ചൈനീസ് പ്രസിഡൻറ് ഷി ജീൻ പിങ് പങ്കെടുക്കില്ലെന്ന സൂചനകൾ ചൈനീസ് എംബസി നൽകുന്നത്.
അതേസമയം ചൈനീസ് പ്രസിഡണ്ടിനും ഒപ്പമുളള സംഘത്തിനും വേണ്ടിയുള്ള തയ്യാറെടുപ്പുകൾ ജി20യുടെ ഭാഗമായി സജ്ജീകരിച്ചിട്ടുണ്ട്. ഈ കഴിഞ്ഞ ബ്രിക്‌സ് ഉച്ചക്കോടിയിലാണ് ഒടുവിലായി പ്രധാനമന്ത്രി നരേന്ദ്രമോദിയും ചൈനീസ് പ്രസിഡൻറ് ഷി ജീൻപിങ്ങും നേരിൽ കണ്ടത്. ചൈനീസ് പ്രസിഡണ്ടിന് പുറമേ റഷ്യൻ പ്രസിഡൻറ് വ്‌ളാഡിമർ പുട്ടിനും മെക്‌സിക്കൻ പ്രസിഡന്റ് ആന്ദ്രേസ് മാനുവൽ ലോപ്പസ് ഒബ്രഡോറും ഉച്ചകോടിയിൽ പങ്കെടുക്കില്ല.
Related posts:
ഡല്‍ഹിയില്‍ ശക്തി പ്രാപിച്ച് മഴ; യമുനയിലെ ജലനിരപ്പ് അപകട നിലയ്ക്ക് മുകളിൽ ഉയർന്നു.
ഇന്ത്യയിലെ ഏറ്റവും വലിയ സൈബർ ക്രിമിനൽ ശൃംഖല പാൻ ഇന്ത്യ പൊലീസ് പിടിയിലായി
ഇന്ന് ലോക നേഴ്സസ് ഡേ Today is World Nurses Day
യുവതിയോട് അപമര്യാദയായി പെരുമാറിയ ടി ടി ഇ അറസ്റ്റിൽ
ബെല്ലിങ്‌ഹാമിന്‌
ഇരട്ടഗോൾ,
ഡോർട്ട്‌മുണ്ട്‌ മുന്നോട്ട്‌
